مریم نواز کے بیٹے جنید کی دوسری شادی کیلئے رشتہ طے

انکی دلہن نواز شریف کے کزن جاوید شفیع کی پوتی ہوں گی، شادی کی تقاریب رواں برس نومبر دسمبر میں متوقع

جمعرات 29 مئی 2025 16:08

مریم نواز کے بیٹے جنید کی دوسری شادی کیلئے رشتہ طے

لاہور (اُردو پوائنٹ اخبارتازہ ترین - این این آئی۔ 29 مئی2025ء) وزیر اعلیٰ پنجاب مریم نواز شریف کے بیٹے جنید صفدر کی دوسری شادی کے لئے رشتہ طے ہوگیا، اس بار ان کی دلہن کون ہوں گی اس حوالے سے پارٹی ذرائع سے معلومات سامنے آگئیں۔پارٹی ذرائع کے مطابق وزیراعلی پنجاب مریم نواز کے صاحبزادے جنید صفدر کا ایک مرتبہ پھر رشتہ طے پا گیا ہے اور اس بار ان کی دلہن سابق وزیراعظم نواز شریف کے کزن جاوید شفیع کی پوتی ہوں گی۔

(جاری ہے)

مریم نواز کے بیٹے جنید صفدر کی ہونے والی اہلیہ جاوید شفیع کے بیٹے عثمان جاوید شفیع کی صاحبزادی ہیں۔ ذرائع کے مطابق جنید صفدر کی شادی کی تقاریب رواں برس نومبر دسمبر میں ہوں گی۔ اس رشتے کی بات تقریبا ایک ماہ قبل شروع ہوئی تھی۔یاد رہے کہ اس سے قبل 2021میں جنید صفدر کی شادی سابق سینیٹر سیف الرحمن کی صاحبزادی عائشہ سیف کے ساتھ ہوئی تھی تاہم اکتوبر 2023ء میں جنید اور ان کی اہلیہ کے درمیان علیحدگی ہو گئی تھی۔جنید صفدر برطانیہ سے تعلیم مکمل کرنے کے بعد اب لاہور میں مقیم ہیں۔