سردار عبدالرحیم نے ایم ایس ایف سندھ کے عہدیداران کا نوٹیفکیشن جاری کردیا

جمعرات 29 مئی 2025 20:50

کراچی (اُردو پوائنٹ اخبارتازہ ترین - این این آئی۔ 29 مئی2025ء) پاکستان مسلم لیگ فنکشنل سندھ کے صدر سید صدرالدین شاھ راشدی سے مشورے کے بعد پاکستان مسلم لیگ فنکشنل سندھ کے سیکریٹری جنرل سردار عبدالرحیم نے ایم ایس ایف سندھ کے عہدیداران کا نوٹیفکیشن جاری کردیا صدر محسن قادری ھنگورو ۔ سینئر نائب صدر نوید احمد گڈیوان ۔ نائب صدور حاجی احسان راجڑ ۔

ارباز علی عباسی ۔ علی محمد مہر ۔ جنرل سیکریٹری نقاش مری ۔ ڈپٹی جنرل سیکریٹری محب منگریو ۔ جوائنٹ سیکریٹری وقار جمالی ۔

(جاری ہے)

انفارمیشن سیکریٹری عاطف علی آرائیں اور فنانس سیکرٹری غلام مرتضی چاکرانی شامل ہیں سردار عبدالرحیم نے نئی عہدیداران کو مبارکباد دیتے ہوئے کہا ہے کہ ایم ایس ایف کے نوجوانوں کی کارکردگی کو سراہتے ہوئے کہا کہ دریائے سندھ پر نئی کینال بنانے کے خلاف اور سندھ کے مسائل کے حل کے لیے ایم ایس ایف کا بڑا اہم کردار رہا سردار عبدالرحیم نے امید ظاہر کی کہ بہت جلد ایم ایس ایف سندھ بھر میں طلبہ کو ایم ایس ایف کے پلیٹ فارم پر یکجا کرنے میں کامیاب ہوجائے گی سردار عبدالرحیم نے مزید کہا کہ ہماری نوجوان ملک و قوم کا سرمایہ ہیں ہمیں اپنے نوجوانوں کی کردار سازی اور تربیت پر توجہ دینی ہے انہوں نے کہا کہ طلبا قوم کے معمار ہیں اور ملک و ملت کا سرمایہ ہیں اور جب تک تعلیمی حقوق کے حوالے سے آزادی نہیں دی جائے گی اس وقت تک ملک میں صاف ستھری تعمیری سیاست پروان نہیں چڑھے گی اور ملک کی سیاست میں طلبا کا ہمیشہ اہم کردار رہا ہے اور اصل میں تعلیمی ادارے سیاست کی نرسریاں ہیں سردار عبدالرحیم نے نئی عہدیداران کو ھدایت دیتے ہوئے کہا کہ سندھ بھر میں یونیورسٹیوں کالیجز اور دیگر تعلیمی اداروں میں ایم ایس ایف کے یونٹس قائم کریں اور طلبا میں شہید سورھیہ بادشاہ کے فلسفے اور پیر صاحب پگارا کے نعرے متحد سندھ مضبوط پاکستان سے مکمل طور پر آگاہی اور پیغام پہنچائے