ایلون مسک کہیں نہیں جارہے ، مسک ہمیشہ ہمارے ساتھ رہیں گے، ڈونلڈ ٹرمپ

ایلون مسک کے ساتھ آج پہلے آفس اوول میں پریس کانفرنس کروں گا ، ہم انہیں کہیں نہیں جانے دیں گے، امریکی صدر کا اعلان

فیصل علوی جمعہ 30 مئی 2025 11:50

واشنگٹن(اردوپوائنٹ اخبار تازہ ترین۔30 مئی 2025)امریکی صدر ڈونلڈ ٹرمپ کا کہنا ہے کہ ایلون مسک کہیں نہیں جارہے ، مسک ہمیشہ ہمارے ساتھ رہیں گے ، ڈونلڈ ٹرمپ کا کہنا ہے کہ ایلون مسک کے ساتھ آج پہلے آفس میں پریس کانفرنس کروں گا اور مسک ہمیشہ ہمارے ساتھ رہیں گے ہم انہیں کہیں نہیں جانے دیں گے، گزشتہ روز خبر سامنے آئی تھی کہ الیکٹرک گاڑیاں بنانے والی امریکی کمپنی ٹیسلا، سوشل میڈیا سائٹ ایکس جیسی کمپنیوں کے مالک اور امریکا کے محکمہ برائے حکومتی کارکردگی کے سربراہ ایلون مسک نے ٹرمپ انتظامیہ کو خیر باد کہہ دیا ہے جس کی تصدیق وائٹ ہاوس اہلکاروں کی جانب سے کی گئی۔

تاہم اب اس حوالے سے امریکی صدر ڈونلڈ ٹرمپ کا کہنا ہے کہ ایلون مسک کے ساتھ اوول آفس میں آج پریس کانفرنس کروں گا اور مسک ہمیشہ ہمارے ساتھ رہیں گے۔

(جاری ہے)

واضح رہے کہ گزشتہ روزامریکی صدر ڈونلڈٹرمپ کے مشیر ایلون مسک نے ٹرمپ انتظامیہ کو خیرباد کہہ دیا تھا۔ ٹیکس بل پر اختلافات کے باعث ایلون مسک نے ٹرمپ انتظامیہ سے استعفیٰ دیاتھا۔ وائٹ ہاﺅس کے اہلکار نے بھی ایلون مسک کے ٹرمپ انتظامیہ چھوڑنے کی تصدیق کی تھی۔

میڈیا رپورٹس کے مطابق امریکی میڈیا کے مطابق ایلون مسک نے صدر ڈونلڈ ٹرمپ کو بتائے بغیر عہدہ چھوڑا تھا ۔ ٹیسلا کے چیف ایگزیکٹو ایلون مسک نے طے کیا تھا کہ وہ حکومت کے خصوصی ملازم کے طورپر 130 روز کام کریں گے۔ یہ مدت 30 مئی کو مکمل ہونا تھی تاہم ٹرمپ انتظامیہ سے مایوسی کا شکار مسک نے 2 روزپہلے ہی وائٹ ہاوس کو خیرباد کہہ دیاتھا۔خبر رساں اداروں کے مطابق امریکی وفاقی بیوروکریسی میں بڑے پیمانے پر کٹوتیوں کی کوششوں کی وجہ سے مسک شدید تنقید کی زد میں تھے۔

الیکٹرک گاڑیاں بنانے والی امریکی کمپنی ٹیسلا، سوشل میڈیا سائٹ ایکس جیسی کمپنیوں کے مالک اور امریکا کے محکمہ برائے حکومتی کارکردگی کے سربراہ ایلون مسک کا اس حوالے سے کہنا تھا کہ حکومت کے خصوصی ملازم کی حیثیت سے میرا وقت ختم ہو گیا۔ صدر ٹرمپ کا شکر گزار ہوں کہ انہوں نے اضافی اخراجات کم کرنے کا موقع دیا تھا۔ایلون مسک نے ایک ہی روز پہلے صدر ٹرمپ کے ٹیکس بل پر عدم اطیمنان کا اظہار کرتے ہوئے کہا تھا کہ بل یا تو بڑا ہوسکتا ہے یا خوبصورت مگر وہ نہیں جانتے کہ ایسا بل دونوں خصوصیات کا حامل کیسے ہو سکتا ہے؟۔ایلون مسک نے واضح کیا تھا کہ بل میں شامل بعض امور سے وہ خوش نہیں تھے۔