وزیراعلی مریم نوازشریف نے واٹر فلٹریشن پلانٹ کے حوالے سے 30 جون 2026 کی ڈیڈ لائن دے دی

جمعہ 15 اگست 2025 20:23

لاہور(اُردو پوائنٹ اخبارتازہ ترین - آن لائن۔ 15 اگست2025ء)وزیراعلی مریم نوازشریف نے واٹر فلٹریشن پلانٹ کے حوالے سے 30جون 2026کی ڈیڈ لائن دے دی ہے اور بعض پراجیکٹ کی تکمیل بروقت نہ ہونے پر اظہار نا پسندیدگی کرتے ہوئے بیوٹیفکیشن کے تمام منصوبے بروقت مکمل کرنے کی ہدایت کی ہے ۔وزیراعلی پنجاب مریم نوازشریف کی زیر صدارت خصوصی اجلاس میںصاف پانی، واٹر فلٹریشن پلانٹ اور دیگر ترقیاتی امور کا جائزہ لیا گیا۔

وزیراعلی مریم نوازشریف کو مثالی گاؤں پراجیکٹ کے بارے میں تفصیلی بریفنگ پیش کی گئی ۔اجلاس میں لاہور ڈویلپمنٹ پراجیکٹ اور پنجاب ڈویلپمنٹ پراجیکٹ پر پیشرفت کا جائزہ لیاگیااوردور دراز علاقوں کے لئے واٹر پمپ لگانے کی تجویز کا جائزہ لیا گیا۔وزیراعلی مریم نوازشریف نے واٹر فلٹریشن پلانٹ کے حوالے سے 30جون 2026کی ڈیڈ لائن دے دی ۔

(جاری ہے)

وزیراعلی مریم نوازشریف نے لاہور ڈویلپمنٹ پراجیکٹ میں سٹریٹس کی تعمیر و مرمت جلد مکمل کرنے پر زور دیا۔

وزیراعلی مریم نوازشریف کا بعض پراجیکٹ کی تکمیل بروقت نہ ہونے پر اظہار نا پسندیدگی کیا۔وزیراعلی مریم نوازشریف نے پنجاب کے ہر شہر میں بیوٹیفکیشن کے 122منصوبوں کا بھی جائزہ لیا ۔لاہور ڈویژن میں 51،راولپنڈی میں 64، فیصل آبادمیں 37، ملتان میں بیوٹیفکیشن کے 75منصوبے مکمل کئے جائیں گے۔سرگودھا45، گوجرانوالہ 64،ڈی جی خان 51،بہاولپور 61، گجرات 53 اور ساہیوال میں 49منصوبے مکمل کئے جائیں گے۔

وزیراعلی نے بیوٹیفکیشن کے تمام منصوبوں کی بروقت تکمیل یقینی بنانے کی ہدایت کی اور کہا کہ پینے کے پانی کی عدم دستیابی کی عوامی شکایات کا ازالہ کیا جائے گا۔واٹر فلٹریشن پلانٹ کی تعمیر و مرمت اور بحالی کے لئے باقاعدہ سسٹم وضع کیا جائے ۔ترقیاتی منصوبوں کی ٹائم لائن اور تعمیراتی معیار کو مد نظر رکھنابے حد ضروری ہے۔