Live Updates

وزیراعلیٰ مریم کا لیہ میں ڈی جی خان ڈویژن کیلئے ہونہارسکالرشپ فیزٹو اور لیپ ٹاپ سکیم کاباقاعدہ آغاز

طالبات کا وزیراعلیٰ مریم نوازشریف کا پرتپاک خیرمقدم ، یونیورسٹی آف لیہ کی طالبہ کا اشعار پڑھ کرزبردست خراج تحسین

جمعہ 30 مئی 2025 22:52

وزیراعلیٰ مریم کا لیہ میں ڈی جی خان ڈویژن کیلئے ہونہارسکالرشپ فیزٹو ..

لاہور (اُردو پوائنٹ اخبارتازہ ترین - این این آئی۔ 30 مئی2025ء)وزیراعلیٰ پنجاب مریم نوازشریف نے لیہ سپورٹس سٹیڈیم میں ڈیرہ غازی خان ڈویژن کیلئے ہونہار سکالر شپ فیز ٹو اور لیپ ٹاپ سکیم کا خود چیک تقسیم کرکے باقاعدہ آغاز کردیا ہے۔ وزیراعلیٰ مریم نواز شریف کا طالبات نے تقریب میں پہنچنے پر پرتپاک خیرمقدم کیا۔یونیورسٹی آف لیہ کی طالبہ حنا محمود نے اشعار پڑھ کروزیراعلیٰ مریم نواز شریف کو منظوم خراج تحسین پیش کیا۔

طلبہ نے چیف مقدمی نعرے لگائے اور پنڈال دیر تک پرجوش تالیوں سے گونجتا رہا ۔ وزیراعلیٰ مریم نواز شریف نے طالبات کو گلے سے لگا یا اور بچوں کے ساتھ خود سیلفیاں بنائیں۔وزیراعلیٰ مریم نواز شریف نے نشستوں پر جاکر ارکان اسمبلی اور ٹکٹ ہولڈر سے ملاقات کی۔

(جاری ہے)

وزیراعلی مریم نواز شریف کو روایتی شال بھی پہنائی گئی۔ ’’پنجاب دی پگ… پنجاب دی دھی رانی دے سنگ‘‘ طالبہ نے پنسل سکچ پر کیپشن لکھا۔

درجنوں طلبہ نے وزیر اعلیٰ مریم نواز شریف کوہاتھ سے بنے پنسل سکچ اور پورٹریٹ پیش کئے۔ وزیراعلیٰ مریم نواز شریف نے تلاوت قرآن پاک اور نعت رسول مقبول کی سعادت حاصل کرنے والے طلبہ کو تحائف پیش کئے۔ سٹوڈنٹ میوزک سوسائٹی لیہ اور ڈی جی خان کے طلبہ نے ملی نغمہ ’’اے میرے نوجواں، تم ہی بنیان مرصوص بن کر رہو‘‘ پیش کیا۔ وزیراعلیٰ مریم نواز شریف نے شاباش دی اور طالبات کو گلے لگا لیا، تصویر بھی بنوائی ۔

تقریب میںپولیس کے چاق وچوبند دستے نے طلبہ کو گارڈ آف آنر پیش کیا ۔ وزیراعلیٰ مریم نواز شریف کے کہنے پر نواز شریف سینٹر آف ایکسی لینس فار’’ ارلی چائلڈ ہوڈ ایجوکیشن ‘‘کی متاثر کن ویڈیو پیش کی گئی۔ وزیراعلیٰ مریم نواز شریف نے ڈی سی لیہ امیرا بیدار کو سٹیج پر بلا کر شاباش دی۔ ڈیرہ غازی خان، مظفرگڑھ، لیہ اور راجن پور کے طلبہ و طالبات میں 1,645 لیپ ٹاپس تقسیم کیے گئے۔

586 لیپ ٹاپ ڈی جی خان ڈویژن کی سرکاری یونیورسٹیز، 199 میڈیکل کالج اور 860 لیپ ٹاپ کالجز کے طلبہ کو دئیے گئے ۔ ہونہار سکالرشپ پروگرام کے فیز ٹو کے تحت ڈی جی خان ڈویژن کی1,696 طلبہ کو ایک کروڑ 93 لاکھ روپے ملے۔ ڈی جی خان ڈویژن کی 414 سکالرشپس سرکاری جامعات، 62 سکالرشپس میڈیکل کالج اور 1,220 سکالرشپس کالجز کے طلبہ کو دئیے گئے۔