Live Updates

پاکستان بھرکی طرح امریکی دارالحکومت میں بھی انڈیا کے خلاف حالیہ فتح کا جشن بنیان المر صوص منایا گیا

جمعہ 30 مئی 2025 22:57

واشنگٹن (اُردو پوائنٹ اخبارتازہ ترین - این این آئی۔ 30 مئی2025ء) پاکستان بھر کی طرح امریکی دارالحکومت میں بھی انڈیا کے خلاف حالیہ فتح کا جشن بنیان المر صوص منایا گیا اور مہمانان اور سیاسی اور سماجی شخصیات نے مل کر جشن فتح کا کیک بھی کاٹا۔ مہمان خصوصی عارف الحق عارف نے پاکستان کے خلاف جارحانہ اقدام سے پوری پاکستانی قوم کو متحد کرنے پر بھارتی وزیر اعظم مودی کا شکریہ ادا کیا۔

ممتاز کشمیری لیڈر اور سفارتی محاذ پر سرگرم ڈاکٹر غلام نبی فائی نے کہا کہ امریکہ کے شاندار اور بر وقت کردار پر صدر ٹرمپ کا شکریہ ادا کرنے کیلئے حکومت پاکستان کو ایک اعلیٰ سطح کا وفد امریکہ بھیجنا چاہئے۔قونصلر طاہر جمیل نے کہا کہ اس مختصر جنگ میں ہم نے سفارتی محاز پر بہترین کردار ادا کیا۔

(جاری ہے)

پریس قونصلر سرفراز احمد نے کہا کہ ہمارے میڈیا نے بھارتی میڈیا کے جھوٹے پروپیگنڈے کے مقابلے میں حقائق بر مبنی خبریں شائع کیں اور اس کے مکر و فریب کے پرخچے اڑا دیئے۔

صدر آزاد کشمیر کے امریکہ میں مشیر سردار ظریف نے کہا کہ پاکستان کو اس موقع سے فائدہ اٹھا کر مسئلہ کشمیر کو حل کروانا چاہئے۔یہ تقریب ممتاز تاجر اور سماجی رہنما جمال خٹک نے اپنے ڈیرے پر پاکستان کے سینئر ترین صحافی اور کالم نگار عارف الحق عارف اور ضرار خان کے اعزاز میں منعقد کی تھی۔اس موقع پر مقررین نے اس کامیابی پر پاکستان کی مسلح افواج کے سربراہ فیلڈ مارشل حافظ عاصم منیر ، پاک فضایہ کے سربراہ ظہیر الدین بابر سدھو اور جانباز پائلٹوں کو شاندار الفاظ میں خراج تحسین پیش کیا۔

اس تقریب سے واشنگٹن میں ممتاز پاکستانی صحافیوں فیض رحمن، انور اقبال ، سید اصفر امام، عزیز احمد، عظیم خان جاوید کوثر ، فیصل علی، ضرار خان کے علاوہ سردار زبیر خان، سردار شعیب ارشاد، ممتاز قاری زاہر قاسمی مرحوم کے صاحبزادے محمد انور قاسمی، الیاس مسیح ، سجاد بلوچ، میں وسیم، سعد گوندل،حافظ فاروق شاہد، راجہ عبد القیوم خاں نے بھی خطاب کیا۔آخر میں میزبان جمال خٹک اور سید اصفر امام نے مہمانوں کا شکریہ ادا کیا۔