Live Updates

ورلڈ کپ 2011ء سیمی فائنل میں سچن ٹنڈولکر آؤٹ تھے : کامران اکمل

جیسے ہم نے بھارت کے آؤٹ کرلیے تھے وہ میچ ہمیں جیتنا چاہیے تھا، پوڈکاسٹ میں گفتگو

ذیشان مہتاب ہفتہ 31 مئی 2025 12:27

ورلڈ کپ 2011ء سیمی فائنل میں سچن ٹنڈولکر آؤٹ تھے : کامران اکمل

لاہور (اردو پوائنٹ تازہ ترین اخبار ۔ 31 مئی 2025ء ) پاکستان کے سابق ٹیسٹ وکٹ کیپر بیٹر کامران اکمل نے کہا کہ 2011 ورلڈ کپ سیمی فائنل میں سچن آؤٹ تھے۔

ایک پوڈ کاسٹ میں گفتگو کرتے ہوئے سابق ٹیسٹ کرکٹر کامران اکمل نے کہا کہ جیسے ہم نے بھارت کے آؤٹ کرلیے تھے وہ میچ ہمیں جیتنا چاہیے تھا۔

انہوں نے کہا کہ کوشش کی 242 رنز کرنے تھے شروعات اچھی مل گئی تھی، پریشر ہم لوگ زیادہ اپنے پر لے لیتے ہیں جتنا ریلیکس رکھے اچھا ہوتا ہے۔

44 سالہ کامران اکمل نے کہا کہ اس وقت تو کوئی بھی آؤٹ ہو تو ٹرننگ پوائنٹ بن جاتا ہے، میرا آؤٹ ہونا پھر حفیظ اور اسد شفیق جیسے کھیل رہے تھے ہم میچ میں تھے۔

انہوں نے کہا کہ وہاب نے پانچ کھلاڑی آؤٹ کرکے دیے وہ ہمیں میچ میں واپس لے آئے تھے، سچن ٹنڈولکر کا ایل بی ڈبلیو اور اسٹمپ آؤٹ تھا۔

(جاری ہے)

سابق ٹیسٹ کرکٹر نے کہا کہ ایک اینگل دکھا کر ناٹ آؤٹ دے دیا، اسٹمپ والا اینگل نہیں دکھایا اس کا پاؤں ہوا میں تھا میں آج بھی دیکھتا ہوں تو حیران رہ جاتا ہوں۔

کامران اکمل نے کہا کہ اس وقت کیا چل رہا تھا سمجھ نہیں آرہی تھی، دھاندلی نہیں کہہ سکتا اب کیا بولیں جو بھی بولیں گے منفی لگے گا، سب سے کوشش کی، ہماری اچھی ٹیم تھی ہدف کا تعاقب کرنا چاہیے تھا، تھوڑا سا ہم لوگ مومنٹم لوز کرگئے تھے۔

انہوں نے کہا کہ جب عمر اکمل 34 پر آؤٹ ہوا تو وہاں سے بھی میچ ہمارے ہاتھ سے نکل گیا تھا۔