Live Updates

}گندم کوڑیوں کے بھائو ہو گئی روٹی پھر بھی مہنگی: قاضی زاہد حسین

ھ*یہ کیسا معاشی استحکام ہے حکومت مہنگائی بڑھنے کی خبریں دے رہی ہے، مرکزی صدر پی اے ٹی

ہفتہ 31 مئی 2025 20:35

ق*لاہور (اُردو پوائنٹ اخبارتازہ ترین - آن لائن۔ 31 مئی2025ء) پاکستان عوامی تحریک کے مرکزی صدر قاضی زاہد حسین نے کہا ہے کہ یہ کیسا معاشی استحکام ہے کہ بجٹ کے اعلان سے قبل ہی حکومت مہنگائی مزید بڑھنے کے اشارے دے رہی ہی کبھی بجٹ قیمتوں میں کمی اور زندگی کو آسان بنانے کی امید ہواکرتا تھا آج بجٹ کے ذکر سے بے چینی پھیلتی ہے۔ انہوں نے کہا کہ گندم کوڑیوں کے بھائو بک رہی ہے، کسان کا دیوالیہ نکل گیا، گندم سستی ہونے کے باوجود روٹی سستی کیوں نہیں ہوئی اس کا جواب کون دے گا منصوبہ بندی کی وزارت عوام کو ڈرانے کی بجائے کوئی اچھی خبر سنائے۔

انہوں نے کہاکہ عالمی سطح پر پٹرولیم مصنوعات کی قیمتوں میں کمی کا فائدہ عوام کو منتقل نہ کرنا بہت بڑا ظلم اور بددیانتی ہے۔ اراکین اسمبلی اس پر آواز بلند کیوں نہیں کرتے، قراردادیں کیوں نہیں لاتی قاضی زاہد حسین نے کہاکہ موجودہ دور حکومت میں تنخواہ دار طبقہ سب سے زیادہ متاثر ہوا ہے۔

(جاری ہے)

درجہ چہارم کے ملازمین کی جیبیں بجلی، گیس کے بل ادا کرنے کے بعد خالی ہو جاتی ہیں۔ دنیا کے کسی اور ملک میں اتنی معاشی ناانصافی نہیں جتنی ہمارے ہاں ہے۔ انہوں نے کہاکہ ملک کے معاشی حالات اچھے نہیں ہیں اس لئے تمام گزیٹڈ آفیسرز کو مفت رہائشیں، مفت بجلی، پٹرول کی فراہمی بند کی جائے تاکہ انہیں رزق حلال کے ساتھ گزارا کرنے کی عادت پڑے۔