Live Updates

رانا ثنا ء اللہ کا ڈاکٹر عبدالقدیر بارے بیان قابل مذ مت ہے‘ محمد سلیم قادری

(ن) لیگی حقا ئق مسخ کرکے ملک کے محسن اور حقیقی ہیرو کیخلاف زبان درازی سے گریز کریں

اتوار 1 جون 2025 13:05

لاہور (اُردو پوائنٹ اخبارتازہ ترین - این این آئی۔ 01 جون2025ء) پاکستان سنی تحریک لاہور کے جوائنٹ سیکریٹری محمد سلیم قادری نے کہا ہے کہ رانا ثنا اللہ کا ڈاکٹر عبدلقدیر خان سے متعلق بیان قابلِ مذمت ہے، مسلم لیگ (ن)حقائق کو مسخ کر کے ملک کے محسن اور حقیقی ہیرو کے خلاف زبان درازی سے گریز کرے۔

(جاری ہے)

محمد سلیم قادری نے کہا کہ 28مئی کے سرکاری اشتہارات میں کہیں بھی ڈاکٹر عبدالقدیر خان کا ذکر نہ کرنا عوام کے جذبات کو مجروح کرنے کے مترادف ہے، اور اس اقدام کی جتنی بھی مذمت کی جائے کم ہے۔

انہوں نے کہا کہ مسلم لیگ (ن)کی قیادت کبھی بھارت کے خلاف بات نہیں کرتی کیونکہ وہاں شریف خاندان کے کاروباری مفادات ہیں۔رانا ثنا اللہ نے ایک ٹی وی پروگرام میں بیٹھ کر جس انداز میں ڈاکٹر عبدالقدیر کو ہیرو ماننے سے انکار کیا وہ انتہائی قابلِ مذمت اور شرمناک ہے۔انہوں نے کہا کہ ڈاکٹر عبدالقدیر خان قوم کے حقیقی ہیرو ہیںجنہوں نے پاکستان کو ایٹمی قوت بنایا۔ پوری قوم ان کی ملک کے لیے خدمات کو قدر کی نگاہ سے دیکھتی ہے اور انہیں خراجِ تحسین پیش کرتی ہے۔