سمبڑیال میں جو ہوا انتہائی شرمناک تھا‘ بیلٹ بکس اٹھا کر لے گئے‘ پریزیڈنگ آفسر فرارہوگیا‘پولیس نے سرعام ٹھپے لگائے‘عمرایوب

اسلام آباد(اُردو پوائنٹ اخبارتازہ ترین - آن لائن۔ 02 جون2025ء)قائد حزب اختلاف قومی اسمبلی عمر ایوب خان نے کہا ہے کہ سمبڑیال میں جو کچھ ہوا انتہائی شرمناک تھا۔ بیلٹ بکس اٹھا کر لے گئے اور پریزیڈنگ آفسر فرار ہوگیا۔ پولیس نے سرعام ٹھپے لگائے۔ ہم دنیا کو اپنا کیا چہرہ دکھا رہے ہیں سابق سپیکر قومی اسمبلی اسد قیصر نے کہا کہ سمبڑیال کا انتخاب پاکستان تحریک انصاف کے امیدوار نے بھاری اکثریت سے جیتا ہے۔

وفاقی اور صوبائی حکومت کے تعاون کے باوجود ن لیگ انتخاب میں کامیابی حاصل نہیں کر سکی۔پارلیمنٹ ہاوس میں میڈیا سے گفتگو سابق اسپیکر قومی اسمبلی اسد قیصر نے کہا کہ سمبڑیال کا انتخاب پاکستان تحریک انصاف کے امیدوار نے بھاری اکثریت سے جیتا ہے۔وفاقی اور صوبائی حکومت کے تعاون کے باوجود ن لیگ انتخاب میں کامیابی حاصل نہیں کر سکی۔

(جاری ہے)

مسلم لیگ کے امیدوار اگر انتخاب جیت جاتا تو آر اوز کو ڈبے اٹھا کر بھاگنے کی ضرورت پیش نہ آتی۔

اسد قیصر نے کہا کہ پاکستان تحریک انصاف ملک کی مقبول ترین جماعت ہے۔ جو سمجھ رہے تھے کہ اس طرح کے حربوں سے تحریک انصاف کو کمزور کیا جاسکتا ہے۔ کل کے انتخاب نے ثابت کیا کہ تحریک انصاف کسی صورت کمزور نہیں ہوئی بلکہ پہلے سے زیادہ مضبوط ہوئی ہے۔ کل کے دن پر میں خاص طور پاکستان تحریک انصاف پنجاب کی پوری تنظیم اور قیادت کا مبارکباد اور خراج تحسین پیش کرنا چاہتا ہوں۔

اسدقیصر نے کہا کہ ہمارے ووٹرز اور ورکرز نے بہادری اور جرأت کا مظاہرہ کیا ہے۔پاکستان تحریک انصاف ملک میں قانون کی حکمرانی اور آئین کی بالادستی کے لیے اپنی جدوجہد جاری رکھے گی۔ آئندہ چند دنوں میں اس تحریک میں تیزی آئے گی۔ اپوزیشن لیڈر عمر ایوب خان نے کہا کہ سمبڑیال میں جو کچھ ہوا انتہائی شرمناک تھا۔ بیلٹ بکس اٹھا کر لے گئے اور پریزیڈنگ آفسر فرار ہوگیا۔

پولیس نے سرعام ٹھپے لگائے۔ ہم دنیا کو اپنا کیا چہرہ دکھا رہے ہیں آر او کے دفتر کو بھاری نفری کے ذریعے کنٹینرز لگا کر سیل کر دیا۔ انہوں نے کہا کہ ہمارے پولنگ ایجنٹس کو پولنگ اسٹیشن کے اندر جانے کی اجازت نہیں تھی۔ ملک میں اس وقت جمہوریت نام کی کوئی چیز نہیں عملا مارشل لا نافذ ہے۔ اڈیالہ جیل کے باہر ارکان پارلیمنٹ کے ساتھ بدتمیزی کی اور تشدد کیا گیا۔ اسدقیصر نے کہا کہ اپوزیشن لیڈر کو دباؤ میں لانے کے لیے ریفرنس لایا جارہا ہے جس کی کوئی بنیاد نہیں ہے۔فارم 47 کی اسمبلی کی اپنی کوئی حیثیت نہیں ہے۔ عمر ایوب کے مخالفین کو ہر فورم پر شکست ہوئی ہے۔