ٹ*واشنگٹن میں شہد کی مکھیوں سے بھرا ٹرک الٹ گیا، 25 کروڑ مکھیاں آزاد

انتظامیہ نے فوری طور پر علاقے کے مکینوں کو ٹرک کے مقام سے دور رہنے اور شہد کی مکھیوں سے بچنے کی ہدایات جاری کر دیں

اتوار 1 جون 2025 18:00

ٓواشنگٹن (اُردو پوائنٹ اخبارتازہ ترین - آن لائن۔ 01 جون2025ء) امریکی ریاست واشنگٹن میں شہد کی مکھیوں سے بھرا ایک ٹرک الٹ گیا، جس کے نتیجے میں 25 کروڑ شہد کی مکھیاں آزاد ہوگئیں، جس سے مقامی افراد میں تشویش کی لہر دوڑ گئی۔غیر ملکی میڈیا رپورٹس کے مطابق واقعہ واٹ کام کاؤنٹی میں پیش آیا جہاں شہد کی مکھیوں کے 30 ہزار کلوگرام سے زائد چھتے ایک جگہ سے دوسری جگہ منتقل کیے جا رہے تھے۔

(جاری ہے)

ٹرک کے الٹنے کے بعد یہ تمام مکھیاں فضا میں پھیل گئیں۔انتظامیہ نے فوری طور پر علاقے کے مکینوں کو ٹرک کے مقام سے دور رہنے اور شہد کی مکھیوں سے بچنے کی ہدایات جاری کر دیں۔ پولیس اور ہنگامی ادارے موقع پر پہنچ گئے جبکہ ماہرین اور شہد پالنے والے افراد مکھیاں قابو کرنے کے لیے سرگرم ہیں۔حکام کو اٴْمید ہے کہ شہد کی مکھیاں جلد اپنے چھتوں کی طرف لوٹ آئیں گی اور صورتحال پر مکمل قابو پا لیا جائے گا۔