خواجہ محمد آصف کی ریاض الدین شیخ کی اہلیہ کے ایصال ثواب کیلئے منعقدہ اجتماعی دعا کی تقریب میں شرکت

اتوار 1 جون 2025 18:10

سیالکوٹ (اُردو پوائنٹ اخبارتازہ ترین - اے پی پی۔ 01 جون2025ء) وزیر دفاع خواجہ محمد آصف نے قائد بزنس کمیونٹی و رہنمافیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی)ریاض الدین شیخ کی اہلیہ کے ایصال ثواب کے لیے منعقدہ اجتماعی دعا کی تقریب میں شرکت کی۔

(جاری ہے)

اس موقع پر انہوں نے مرحومہ کے بلندی درجات کے لیے دعا کی ،انہوں نے قائد بزنس کمیونٹی ریاض الدین شیخ اور ان کے صاحبزادے رافع ریاض الدین شیخ کو دلاسہ دیا اور کہا کہ غم اور تکلیف کی اس گھڑی میں وہ ان کے ساتھ ہیں اور دعا گو ہیں کہ اللہ تعالیٰ مرحومہ کی کامل بخشش و مغفرت فرمائے اور تمام لواحقین کو صبر جمیل عطا فرمائے۔

سٹی صدر پاکستان مسلم لیگ (ن)محمد رفیق مغل، سابق میئر سیالکوٹ توحید اختر چوہدری، سینئر نائب صدر سیالکوٹ چیمبر آف کامرس اینڈ انڈسٹری وسیم شہباز لودھی، دارالشفقت سیالکوٹ کے سرپرست اعلیٰ شیخ عبدالواحد، چیف ایگزیکٹو الشیخ ہسپتال سیالکوٹ شیخ اشرف حیدر ،معروف صنعتکار ڈاکٹر اسلم ڈار سمیت بزنس کمیونٹی سے تعلق رکھنے والے مرد و خواتین کی کثیر تعداد بھی اس موقع پر یہاں موجود تھی۔