Live Updates

اداکارہ مریم نفیس نے کرکٹراعظم خان سے رشتے کا انوکھا انکشاف کرڈالا

اعظم مجھے محبت سے منہ بولی ماں کہہ کر پکارتا ہے اور یہ رشتہ میرے لیے باعثِ فخر ہے،اداکارہ

پیر 2 جون 2025 14:02

اداکارہ مریم نفیس نے کرکٹراعظم خان سے رشتے کا انوکھا انکشاف کرڈالا

لاہور (اُردو پوائنٹ اخبارتازہ ترین - این این آئی۔ 02 جون2025ء)کرکٹ کے میدان میں جہاں ہر طرف شور و ہنگامہ ہوتا ہے، وہیں ایک ایسا لمحہ آیا جس نے سب کو حیران کر دیا۔ معروف اداکارہ مریم نفیس نے اپنے ایک بیان سے مداحوں کو چونکا دیا، جب انہوں نے قومی کرکٹر اعظم خان سے اپنے انوکھے رشتے کا انکشاف کیا۔یہ واقعہ اس وقت پیش آیا جب مریم نفیس پاکستان سپر لیگ کے ایک میچ کے دوران اپنے ننھے بیٹے موسی کو ساتھ لیے گرانڈ میں موجود تھیں۔

میڈیا سے گفتگو کے دوران انہوں نے نہ صرف ٹیم اسلام آباد یونائیٹڈ کی حمایت کا اظہار کیا بلکہ کرکٹر اعظم خان سے اپنی گہری قربت کا بھی ذکر چھیڑ دیا۔مریم نے خوش دلی اور اپنائیت کے ساتھ بتایا، اعظم میرے لیے بیٹے کی طرح ہے۔ میں نے خود ایک بار اس سے کہا تھا کہ تم میرے بچے جیسے ہو، اور اس دن سے وہ مجھے ماں ہی کہتا ہے۔

(جاری ہے)

ان کا کہنا تھا کہ اعظم انہیں محبت سے منہ بولی ماں کہہ کر پکارتا ہے، اور یہ رشتہ ان کے لیے باعثِ فخر ہے۔

اداکارہ نے وضاحت کی کہ وہ صرف ٹیم سپورٹ کرنے نہیں، بلکہ اعظم خان کے لیے خاص طور پر گرانڈ میں موجود تھیں۔ اسلام آباد یونائیٹڈ سے جڑی میری جذباتی وابستگی اعظم خان کی وجہ سے ہے۔ ان کے چہرے پر مسکراہٹ اور آنکھوں میں چمک صاف ظاہر کر رہی تھی کہ یہ رشتہ دل سے جڑا ہوا ہے۔میزبان نے جب ان سے کرکٹ کے تکنیکی پہلوں پر بات چیت کا تذکرہ کیا، تو مریم ہنستے ہوئے بولیں، ہماری باتیں کرکٹ سے زیادہ ذاتی اور خوشگوار موضوعات پر ہوتی ہیں۔ ان کا کہنا تھا کہ کھیل کے میدان میں بھی انسانی رشتوں کی گرماہٹ ایک الگ ہی خوشی دیتی ہے۔