Live Updates

دبئی : بھارتی کمیونٹی کا شاہد آفریدی کا والہانہ استقبال، بھارتیوں کو آگ لگ گئی

ایونٹ میں بھارتی شہریوں نے پاکستان کے لیجنڈ کرکٹرز کو دیکھ کر سیٹیاں بجائیں اور اپنی خوشی کا بھرپور اظہار کیا

ذیشان مہتاب پیر 2 جون 2025 12:42

دبئی : بھارتی کمیونٹی کا شاہد آفریدی کا والہانہ استقبال، بھارتیوں ..

دبئی (اردو پوائنٹ تازہ ترین اخبار۔ 2 جون 2025ء ) دبئی میں بھارت کی کیرالا کمیونٹی کے ایونٹ میں پاکستانی اسٹار کرکٹرز شاہد آفریدی اور عمر گل کو مدعو کیے جانے پر بھارتی انتہا پسندوں کو آگ لگ گئی۔

دبئی میں کوچین یونیورسٹی بی ٹیک ایلومنائی ایسوسی ایشن کے زیر اہتمام ایک تقریب کا اہتمام کیا گیا جس میں شاہد آفریدی نے بھی شرکت کی۔

تقریب میں جیسے ہی پاکستان کے سپر اسٹار شاہد آفریدی پہنچے تو کیرالا سے تعلق رکھنے والے بھارتی نژاد افراد نے ''بوم بوم’’کے نعروں کے ساتھ ان کا پرتپاک استقبال کیا، ایونٹ میں بھارتی شہریوں نے پاکستان کے لیجنڈ کرکٹرز کو دیکھ کر سیٹیاں بجائیں اور انہیں دیکھ کر اپنی خوشی کا بھرپور اظہار کیا۔

دوسری جانب سوشل میڈیا پر ویڈیو سامنے آنے کے بعد ایک ہنگامہ برپا ہوگیا، بھارتی میڈیا نے اپنے ہی شہریوں کو تنقید کا نشانہ بنانا شروع کر دیا۔

(جاری ہے)

بھارت کے اندر مختلف نیوز چینلز اور سوشل میڈیا اکاؤنٹس نے شاہد آفریدی کو مدعو کرنے پر شدید ردعمل دیتے ہوئے کہا کہ جس شخص نے جنگی صورتحال میں پاکستان کی حمایت کی اُسے ایوارڈ دینا بھارتی قوم کی توہین ہے۔