Live Updates

ارشد ندیم میاں چنوں پہنچتے ہی سب سے پہلے کہاں گئی

ارشد ندیم میاں چنوں پہنچتے ہی اس دکان پر گئے جہاں سے جیولن تھرو خریدا کرتے تھے

منگل 3 جون 2025 17:34

ارشد ندیم میاں چنوں پہنچتے ہی سب سے پہلے کہاں گئی

میاں چنوں(اُردو پوائنٹ اخبارتازہ ترین - این این آئی۔ 03 جون2025ء)ایشین ایتھلیٹکس چیمپئن شپ میں گولڈ میڈل جیتنے کے بعد میاں چنوں پہنچ گئے ہیں۔ارشد ندیم کی والدہ کی طبیعت خراب ہے ڈرپس لگ رہی ہیں، ان کی والدہ کی طبیعت خراب ہونے کے باعث گھر میں اب تک کوئی تیاریاں نہیں کی گئیں۔ ارشد ندیم میاں چنوں پہنچتے ہی اس دکان پر گئے جہاں سے جیولن تھرو خریدا کرتے تھے، اس دکان پر آنے کا مقصد اپنا ماضی یاد رکھنا ہے۔

ارشد ندیم نے میڈیا سے گفتگو کرتے ہوئے بتایا کہ یہ واحد دکان تھی میاں چنوں کی جہاں سے جیولن تھرو ملتا تھا۔اُنہوں نے بتایا کہ مستقبل میں میاں چنوں میں جیولن تھرو کی اکیڈمی بنانے کا ارادہ ہے۔ارشد ندیم نے کہا کہ ہمارے گاؤں میں اسٹیڈیم بن رہا ہے، پنجاب حکومت کا شکریہ ادا کرتا ہوں، پاکستان کی قوم اور گھر والوں کی بہت دعائیں تھیں۔

(جاری ہے)

اُنہوں نے کہا کہ میرا اگلا پلان جو بھی ہو گا مجھے کوچ بتائیں گے، میں اپنا میڈل پاکستان افواج کے نام کرتا ہوں جو بھی ہو گولڈ گولڈ ہی ہوتا ہے، عید کے بعد ورلڈ ایتھلیکٹک چیمئین شپ کے لیے انگلینڈ کا دورہ ہے پوری کوشش ہوگی کہ جیت کر لوٹوں۔

ارشد ندیم نے کہا کہ نوجوان کو پیغام دیتا ہوں کہ اسٹیڈیم بن رہا ہے میرے پاس آئیں اور سیکھیں۔اُنہوں نے کہا کہ 50 سال بعد پاکستان نے ایشن اولمپکس میں گولڈ میڈل حاصل کیا، اب نظر دسمبر میں ورلڈ ایتھلیٹک چیمپئن شپ پر ہے۔ارشد ندیم نے کہا کہ انسان جب میدان میں اترتا ہے تو سب کے ساتھ ہی مقابلہ ہوتا ہے، میرے کوچ سمیت تمام اداروں نے مجھے بہت سپورٹ کیا، میرے کوچ نے مجھے بہت محنت کروائی، حکومت نے بھی بہت زیادہ سپورٹ کیا، جیولن تھرو کے حوالہ سے اسلام آباد میں ایک اکیڈمی بنائی جا رہی ہے۔