ایچ ای سی کا کوئٹہ میں پاکستان کوالیفیکیشن رجسٹر فوکل پرسنز کے لئے جامع تربیتی سیشن کا انعقاد

پیر 2 جون 2025 22:03

اسلام آباد (اُردو پوائنٹ اخبارتازہ ترین - اے پی پی۔ 02 جون2025ء) ہائر ایجوکیشن کمیشن پاکستان (ایچ ای سی) نے کوئٹہ میں پاکستان کوالیفیکیشن رجسٹر فوکل پرسنز کے لئے جامع تربیتی سیشن کا انعقاد کیا۔پیر کو ایچ ای سی سے جاری بیان کے مطابق تربیتی پروگرام میں بلوچستان بھر سے یونیورسٹی کے نمائندوں نے شرکت کی جس کا مقصد تصدیق کے عمل میں استعمال ہونے والے کوالیفیکیشن ڈیٹا کو مضبوط کرنے کے لئے ایچ ای سی کی کوششوں کو آگے بڑھانا تھا۔

تربیت پاکستان کوالیفیکیشن رجسٹر کے ذریعے تعلیمی قابلیت کے اعداد و شمار کی درستگی اور شفافیت کو بڑھایا جا سکتا ہے، پاکستان کوالیفیکیشن رجسٹرہائیر ایجوکیشن کمیشن کا ایک مرکزی ڈیٹا بیس ہے، جو تسلیم شدہ اداروں سے ڈگری پروگراموں کی میزبانی کرتا ہے اور نیشنل کوالیفکیشن فریم ورک کے ساتھ ہم آہنگی کو یقینی بناتا ہے۔

(جاری ہے)

شرکاء نے سیشن میں ضروری دستاویزات کے تقاضوں، بشمول ڈیٹا کی تالیف کے طریقہ کار اور دستاویزات کی ضروریات اورپروگراموں کے لئے نو آبجیکشن سرٹیفکیٹس (این او سی) کا احاطہ کیا گیا۔

فوکل پرسنز سے کہا گیا کہ وہ پروگرام کی تمام منظوریوں بشمول اکیڈمک کونسل منٹس اور متعلقہ نوٹیفکیشنز کو ریکارڈ کریں۔ سیشن میں یونیورسٹیوں اور ایچ ای سی کے درمیان رابطہ کے طور پر فوکل پرسنز کے اہم کردار پر زور دیا گیا، وہ عام توثیقی چیلنجوں سے نمٹنےکے لئے ذمہ دار ہیں جبکہ وہ موثر اہلیت کے ڈیٹا مینجمنٹ کے لئے عملی حل فراہم کرتے ہیں۔ یونیورسٹیوں کو تمام پوسٹ گریجویٹ پروگراموں کی ڈیٹا کلیننگ مکمل کرنے اور ایچ ای سی کے ساتھ باقاعدہ رابطہ برقرار رکھنے کی ہدایت کی گئی۔تربیت پروگرام ایک شفاف اور جوابدہ اعلیٰ تعلیمی نظام کی تعمیر کے لئے ایچ ای سی کے عزم کاعکاس ہے۔