کھیلوں کا کھویا وقار بحال کرنا اولین ترجیح ہے، ڈی جی پاکستان سپورٹس بورڈ

سیف گیمز کا انعقاد یادگار ہوگا، ٹاپ ایتھلیٹس کی ٹریننگ پر فوکس ہے،یاسر پیرزادہ

بدھ 4 جون 2025 14:58

اسلام آباد (اُردو پوائنٹ اخبارتازہ ترین - این این آئی۔ 04 جون2025ء)پاکستان اسپورٹس بورڈ کے ڈائریکٹر جنرل یاسر پیرزادہ نے کہاہے کہ کھیلوں کا کھویا وقار بحال کرنا اولین ترجیح ہے، سیف گیمز کا پاکستان میں انعقاد یادگار ہوگا، ٹاپ ایتھلیٹس کی ٹریننگ پر فوکس ہے، سیف گیمز سے کھیلوں کو مزیدفروغ حاصل ہوگا۔ ان خیالات کا اظہار انہوں نے راولپنڈی اسلام آباد اسپورٹس جرنلسٹس ایسوسی ایشن (رسجا) کے صدر ابوبکر بن طلعت کی قیادت میں آنیوالے سپورٹس جرنلسٹس کے وفد سے ملاقات کے دوران کیا۔

یاسر پیرزادہ نے کہاکہ سیف گیمز کی میزبانی قومی وقار کا معاملہ ہے اور ہم انفراسٹرکچر، تربیت، اور کھلاڑیوں کی فلاح و بہبود کے تمام عالمی معیار کو پورا کرنے کے لیے ہر ممکن اقدامات کر رہے ہیں۔

(جاری ہے)

انہوں نے پاکستان اسپورٹس کمپلیکس میں جاری تزئین و آرائش اور ترقیاتی کاموں پر روشنی ڈالتے ہوے بتایا کہ جدید سہولیات کی فراہمی کیلئے یاپ گریڈیشن کا عمل جاری ہیں۔

انہوں نے کہا کہ وزیرِاعظم شہباز شریف، وفاقی وزیر بین الصوبائی رابطہ رانا ثناء اللہ، اوروفاقی سیکرٹری محی الدین وانی کی قیادت میں کھیلوں کے احیاء اور فروغ پر بھرپور توجہ دے رہے ہیں ایک سوال کے جواب میں انہوں نے کہا کہ قومی تربیتی کیمپس پر خصوصی توجہ دی جا رہی ہے، جن میں اب جدید کوچنگ، غذائی منصوبہ بندی اور نفسیاتی معاونت شامل کی جا رہی ہیجبکہ ٹیلنٹ کی تلاش، سرکاری اسکولز اور کالجز کو سپورٹس سہولیات بھی فراہم کی جارہی ہے۔ ملاقات کرنیوالے رسجا وفد میں عبدالمحی شاہ، شکیل اعوان، ذوالفقار بیگ، ناصر نقوی، شاکر عباسی، افضل جاوید، شہریار خان، ارفع فیروز ذکی، اویس عباسی، اصغر مبارک اور کرن خان شامل تھیں۔