Live Updates

حکومت بٹ کوائن پر وقت اور پیسہ ضائع نہ کرے،پاسبان

جمعرات 5 جون 2025 22:45

کراچی (اُردو پوائنٹ اخبارتازہ ترین - این این آئی۔ 05 جون2025ء)پاسبان ڈیموکریٹک پارٹی کے جنرل سیکریٹری اقبال ہاشمی نے کہا ہے کہ حکومت بٹ کوائن پر وقت اور پیسہ ضائع نہ کرے۔ اس وقت پاکستان میں بنیادی اشیاء کی پروڈکشن پر سرمایہ کاری زیادہ اہم ہے۔ کرپٹو کرنسی کا معاملہ پانچ سال بعد بھی دیکھا جا سکتا ہے۔ زیادہ تر علماء نے بھی اسے جوئے کی ایک شکل قرار دیا ہے۔

بٹ کوائن مائننگ ایک مہنگا کام ہے جس کی منفعت منفی ہے۔

(جاری ہے)

کیا دوسرے منفعت بخش کام دستیاب نہیں ہیں جو بٹ کوائن پر پیسہ لگایا جا رہا ہی پاکستان میں کتنے لوگ حکومت کی اس انویسٹمنٹ سے مستفید ہوں گی پاکستان کرپٹو کرنسی کے لئے بجلی اور دوسری سہولیات انڈسٹری کی ترقی کے لئے وقف کرے۔ پاکستان کومادی سرمایہ یعنی مشینوں کی ضرورت ہے۔ ڈیجیٹل سرمایہ قبل از وقت ہے۔

حکومت جائزہ لے کہ کن وجوہات کی بناء پر دنیا کے سب سے زیادہ تیزی سے ترقی کرنے والے ملک چائنا نے بٹ کوائن پر پابندی لگائی ہی ترجیحات کا درست تعین معاشی ترقی کو دوام بخشتا ہے۔ عوام کو صنعتیں قائم کرکے روزگار مہیا کرنا حکومت کی اولین ترجیح ہونی چاہیے۔ بٹ کوائن کریش ہونے کی وجہ سے ترقی یافتہ ممالک میں متعدد بار لوگوں کے کھربوں روپے ڈوب چکے ہیں