ل*بلوچستان: ضلع کچھی میں ‘فتنہ الہندوستان’ کے خلاف آپریشن میں 2 دہشتگرد مارے گئے

دہشتگردوں سے اسلحہ اور گولہ بارود برآمد کیا گیا۔ ہلاک دہشتگرد علاقے میں متعدد دہشتگردانہ سرگرمیوں میں ملوث تھے، آئی ایس پی آر

جمعہ 6 جون 2025 19:55

کوئٹہ(اُردو پوائنٹ اخبارتازہ ترین - آن لائن۔ 06 جون2025ء)بلوچستان کے ضلع کچھی میں ‘فتنہ الہندوستان’ کے خلاف آپریشن میں 2 دہشتگرد مارے گئے۔پاک فوج کے شعبہ تعلقات عامہ (آئی ایس پی آر) کے مطابق آپریشن کچھی کے علاقے کولپور میں فتنتہ الہندوستان کی موجودگی کی اطلاع پر کیا گیا۔آئی ایس پی آر کے بیان کے مطابق دوران آپریشن دہشتگردوں کے ٹھکانوں کو مؤثر انداز میں نشانہ بنایا گیا جس سے 2 دہشتگرد ہلاک ہوگئے۔

(جاری ہے)

بیان کے مطابق ‘فتنہ الہندوستان’ کے دہشتگردوں سے اسلحہ اور گولہ بارود برآمد کیا گیا۔ ہلاک دہشتگرد علاقے میں متعدد دہشتگردانہ سرگرمیوں میں ملوث تھے۔آئی ایس پی آر نے کہا ہے کہ علاقے میں ممکنہ طور پر موجود دیگر دہشتگردوں کے خاتمے کے لیے کلیئرنس آپریشن جاری ہے۔پاک فوج نے کہا ہے کہ سیکیورٹی فورسز بھارتی سرپرستی میں ہونے والی دہشتگردی کے خاتمے کے لیے پرعزم ہیں۔ دہشتگردی میں ملوث عناصر کو انصاف کیک کٹہرے میں لایا جائے گا۔