شہبازشریف جاتی امرا اور آصف زرداری اسلام آباد میں عید منائیں گے

جمعہ 6 جون 2025 20:10

اسلام آباد (اُردو پوائنٹ اخبارتازہ ترین - این این آئی۔ 06 جون2025ء)صدر مملکت آصف علی زرداری اسلام آباد جبکہ وزیراعظم شہباز شریف جاتی امرا لاہور میں نماز عید ادا کریں گے۔ ذرائع کے مطابق چیئرمین پیپلز پارٹی بلاول بھٹو زداری کی عید دورہ امریکا سے واپسی پر راستے میں ہو گی۔

(جاری ہے)

وفاقی وزیر ریلوے حنیف عباسی راولپنڈی میں عید منائیں گے، سربراہ جے یو آئی مولانا فضل الرحمان اپنے آبائی علاقے ابوالخیل میں عیدالاضحی گزاریں گے۔

وزیراعلی خیبر پختونخوا علی امین گنڈا پور اور گورنر فیصل کریم کنڈی ڈیرہ اسماعیل خان میں عید منائینگے۔قومی اسمبلی میں قائد حزب اختلاف عمرایوب عید پر ہری پور میں ہوں گے، پی ٹی آئی رہنما بیرسٹر گوہر آبائی علاقے بونیرمیں عید منائیں گے۔ سابق چئیرمین سینیٹ صادق سنجرانی عیدالاضحی پرکوئٹہ میں ہوں گے جبکہ سربراہ عوامی مسلم لیگ شیخ رشید اپنے شہر راولپنڈی میں عید منائیں گے۔