Live Updates

وزیراعظم محمد شہباز شریف نے نمازعید الاضحی ماڈل ٹائون لاہور میں ادا کی

ہفتہ 7 جون 2025 14:20

لاہور (اُردو پوائنٹ اخبارتازہ ترین - اے پی پی۔ 07 جون2025ء) وزیراعظم محمد شہباز شریف نے ماڈل ٹائون، لاہور میں عید الاضحٰی کی نماز ادا کی۔ وزیر اعظم کے صاحبزادوں سابق وزیراعلی پنجاب حمزہ شہباز اور سلمان شہباز سمیت مختلف شعبہ زندگی سے تعلق رکھنے والے افراد نے بھی ان کے ہمراہ نماز کے لئے موجود تھے ۔

(جاری ہے)

خطبہ عید میں سنت ابراہیمی اور فلسفہ قربانی کی اہمیت کو اجاگر کیا گیا۔ اس موقع پر ملک کی سلامتی اور ترقی کے لیے خصوصی دعا کی گئی۔امت مسلمہ کی خوشحالی اور بربریت کے شکار نہتے کشمیریوں اور فلسطینیوں کی کامیابی کے لیے بھی دعائیں مانگی گئیں۔نماز کے بعد وزیراعظم محمد شہبازشریف موقع پر موجود لوگوں سے عید ملے اور انہیں مبارکباد دی۔