Live Updates

uفلم ’’ویلکم ٹو پنجاب‘‘14 اگست پر سینما گھروں کی زینت بنے گی

۱کاسٹ میں جاوید شیخ، عدنان صدیقی، ساجد حسن، افتخار ٹھاکر اداکارہ بشری انصاری اور ممتاز سمیت دیگر شامل ہیں

پیر 9 جون 2025 16:20

+ لاہور (اُردو پوائنٹ اخبارتازہ ترین - آن لائن۔ 09 جون2025ء)نئی فلم’’ویلکم ٹو پنجاب‘‘کی ٹریلر لانچنگ تقریب مقامی سینما میں سجائی گئی جس میں شوبز انڈسٹری کے چمکتے دمکتے ستاروں نے بڑی تعداد میں شرکت کی۔جن میں ہدایتکار سید نور، مسعود بٹ، اعجاز کامران، شہزاد رفیق ندیم مانڈوی والا، راشد خواجہ، کاشف نثار، نور الحسن، التمش بٹ، طارق بٹ، چوہدری کرامت، شیخ عابد رشید، فیاض خان، عادل عسکری، ممتاز شبیر، سہیل ملک، چوہدری اسلم، خرم بٹ، شاہزیب مرزا، حاجی شفیق، آصف اکبر، اچھی خان، جرار رضوی، ڈاکٹر خاقان غازی، میاں عدنان ارشد، رابعہ طارق اور دیگر شامل تھے۔

فلم کے ہدایتکار شہزاد رفیق نے گفتگو کرتے ہوئے کہا کہ فلم میں بین الاقوامی ہم آہنگی پیدا کی ہے۔ یہ ایک صوبہ کی فلم نہیں بلکہ پاکستان کی فلم ہے۔

(جاری ہے)

فلم میں دو نئے چہروں عادی خان اور زارا حیات کو متعارف کروایا گیا ہے۔ فلم کے ذریعے ماضی کی معروف اداکارہ ممتاز بیگم کا بھی کم بیک ہورہا ہے۔فلم میں خوبصورت لوکیشنز، جاندار ڈائیلاگز اور پنجاب کی ثقافت کے رنگ نمایاں ہیں۔

فلمساز صفدر ملک نے گفتگو کرتے ہوئے کہا کہ فلم 14 اگست پر سینما گھروں کی زینت بنے گی۔اس موقع پر معروف ہدایتکار سید نور نے فلم کے ٹریلر کی تعریف کی اور نیک تمناوں کا اظہار کیا۔فلم کی اسٹار کاسٹ میں اداکار جاوید شیخ، عدنان صدیقی، ساجد حسن، افتخار ٹھاکر، قیصر پیا، اداکارہ بشری انصاری اور ممتاز سمیت دیگر شامل ہیں۔