Live Updates

عدالت عمران خان کو رہا کردے تو اس کی حمایت کروں گا، بلاول بھٹو

ہمیں کوئی اعتراض نہیں کیونکہ ضمانت اُن کا حق ہے، میں اور میری پارٹی اس کو چیلنج نہیں کریں گے‘انٹرویو

منگل 10 جون 2025 17:59

عدالت عمران خان کو رہا کردے تو اس کی حمایت کروں گا، بلاول بھٹو

لندن (اُردو پوائنٹ اخبارتازہ ترین - آن لائن۔ 10 جون2025ء)پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ اگر عدالت بانی پی ٹی آئی عمران خان کو ضمانت پر رہا کردے تو میں اس کی حمایت کروں گا، ہمیں کوئی اعتراض نہیں ہوگا۔بلاول بھٹو کی جانب سے یہ بیان برطانوی ٹی وی کو دیے گئے ایک انٹرویو کے دوران دیا گیا۔

(جاری ہے)

انٹرویو میں اینکر نے کہا کہ یہ پوسٹ کیا جا رہا ہے 11 جون کو عمران خان کو عدالت کی جانب سے ضمانت دی جا سکتی ہے۔

اس سوال پر جواب دیتے ہوئے چیئرمین پیپلز پارٹی نے کہا کہ اگر عدالت بانی پی ٹی آئی کو ضمانت پر رہا کر دے تو ہمیں کوئی اعتراض نہیں کیونکہ ضمانت اُن کا حق ہے، میں اس کی حمایت کروں گا، میں اور میری پارٹی اس کو چیلنج نہیں کریں گے۔بلاول بھٹو کا کہنا تھا کہ پاکستان میں ہر کیس کا ایک قانونی طریقہ کار ہے اور یہ بھی اسی عمل کا حصہ ہے۔