اڑان پاکستان پروگرام کے تحت 2035ء تک مجموعی قومی پیداوار کی شرح نمو کا ہدف 6 فیصد مقرر،قومی برآمدات کا حجم 63 ارب ڈالر تک بڑھایا جائیگا

منگل 10 جون 2025 18:54

اسلام آباد (اُردو پوائنٹ اخبارتازہ ترین - این این آئی۔ 10 جون2025ء)اڑان پاکستان پروگرام کے تحت 2035ء تک قومی معیشت کو ٹریلین ڈالرز معیشت میں بدلنے کیلئے مجموعی قومی پیداوار (جی ڈی پی) کی شرح نمو کا ہدف 6 فیصد مقرر کیا گیا ہے جبکہ اس عرصہ کے دوران قومی برآمدات کا حجم 63 ارب ڈالر تک بڑھایا جائے گا۔

(جاری ہے)

منگل کو جاری سالانہ پلان کے مطابق وفاقی حکومت نے افراط زر کی شرح کو 6 فیصد تک محدود رکھنے اور گرین ہائوس گیسز کے اخراج میں 50فیصد کمی کے ساتھ ساتھ غربت میں 13 فیصد کمی کے اہداف مقرر کئے ہیں۔

پاکستان اکنامک آئوٹ لک برائے مالی سال 2025-26 کے تحت زرعی و صنعتی شعبہ جات کی بحالی و ترقی کے ساتھ ساتھ توانائی تک رسائی کو یقینی بنایا جائے گا۔مزید برآں اڑان پاکستان پروگرام کے تحت میکرو اکنامک استحکام حکومت کی اولین ترجیحات میں شامل ہے۔13ویں پانچ سالہ منصوبہ میں حقیقت پر مبنی اہداف مقرر کئے گئے ہیں تاکہ پائیدار ترقی، موسمیاتی تحفظ اور انسانی وسائل کے شعبہ کی ترقی کو یقینی بنایا جاسکے۔