Live Updates

پی ایس بی کا 3 شہروں میں جوائنٹ وینچر کے تحت پیڈل کورٹس کے قیام کا فیصلہ

بدھ 11 جون 2025 22:50

لاہور (اُردو پوائنٹ اخبارتازہ ترین - این این آئی۔ 11 جون2025ء)پاکستان اسپورٹس بورڈ (پی ایس بی) نے تین شہروں میں جوائنٹ وینچر کے تحت پیڈل کورٹس کے قیام کا فیصلہ کر لیا۔پی ایس بی نے 3 وینیوز پر پیڈل کورٹ کی تعمیر کے لیے پرائیوٹ پارٹیز سے بڈز مانگ لیں، پیڈل کورٹس اسلام آباد، لاہور اور کراچی میں تعمیر کیے جائیں گے۔

(جاری ہے)

پبلک پرائیویٹ شراکت کے تحت یہ کورٹس 5 سے 10 سال تک پرائیویٹ پارٹی چلائیں گی، معاہدے کی مدت مکمل ہونے کے بعد پیڈل کورٹس کو پی ایس بی کے حوالے کر دیا جائے گا۔معاہدے کی مدت کے دوران پیڈل کورٹ کی انتظامیہ پی ایس بی کو آمدن سے حصہ یا کرایا ادا کرے گی، پیڈل کورٹ میں کھیلنے کی فیس کو عام شہریوں کے لیے مناسب رکھا جائے گا۔