Live Updates

ملکی دفاع کے لیے ڈیجیٹل محافظوں کی تربیت کا مشن شروع

جمعرات 12 جون 2025 20:13

اسلام آباد(اُردو پوائنٹ اخبارتازہ ترین - آن لائن۔ 12 جون2025ء): ملکی دفاع کے لیے ڈیجیٹل محافظوں کی تربیت کا مشن شروع کردیاگیاہے۔قومی سائبر ایمرجنسی ریسپانس ٹیم نے مختلف اداروں کے اشتراک سے دی وائر وارفیئر کی تربیت کے لیے کام شروع کردیا ۔تربیت کا محور‘‘فائر وال سے آگے سیکھیں، محفوظ کریں، دفاع کریں‘‘ رکھا گیا ہے ۔

(جاری ہے)

قومی سائبر ایمرجنسی ریسپانس ٹیم اور نجی اداروں کے اشتراک سے اہم سائبر سیکیورٹی کانفرنس 24 جون کو کراچی میں ہوگی ۔

ڈائریکٹر جنرل، نیشنل سرٹ ڈاکٹر حیدر عباس کانفرنس سے خطاب کریں گے ۔کانفرنس میں ملکی سطح پر سائبر صلاحیتوں کی تعمیر اور ڈیجیٹل محافظوں کی تیاری پر مشاورت ہوگی ۔مقامی سائبر صلاحیتوں کی تعمیر، ریاستی و غیر ریاستی عناصر کی حکمتِ عملی زیر غور آئے گی ۔عالمی سائبر سیکیورٹی مہارتوں کی ضروریات کو پورا کرنے کے لیے ڈیجیٹل محافظوں کی تربیت اور سائبر جنگ کے لیے تیاری پر بھی غور ہوگا۔