]قومی اسمبلی کی خزانہ کمیٹی میں بجٹ پر بحث جاری

"اسلام آباد(اُردو پوائنٹ اخبارتازہ ترین - آن لائن۔ 12 جون2025ء)قومی اسمبلی کی خزانہ کمیٹی میں بجٹ پر بحث جاری اپوزیشن لیڈر عمر ایوب اور چیرمین کمیٹی سید نوید قمر کے مابین سوالات کے معاملے پر گرما گرمی ،یوٹیلی سٹورز کیلئے سبسڈی غائب ہونے پر پیپلز پارٹی کی رکن سراپا احتجاج،وزیر خزانہ اور وزیر مملکت سمیت سیکرٹری خزانہ کی جانب سے کمیٹی کو بجٹ پر بھرپور بریفنگ دی گئی۔

(جاری ہے)

جمعرات کوچیرمین سید نوید قمر کی زیر صدارت قومی اسمبلی کی قائمہ کمیٹی برائے خزانہ کا اجلاس دوسرے روز بھی جاری رہا اجلاس میں کمیٹی اراکین کے علاوہ وفاقی وزیر خزانہ سینیٹر محمد اورنگزیب ،سیکرٹری خزانہ ،چیرمین ایف بی آر سمیت دیگر حکام نے شرکت کی اجلاس کے دوران چیرمین کمیٹی نے استفسار کیا کہ کیا اس بار کوئی اناملی کمیٹی نہیں ہے جس پر چیرمین ایف بی آر نے کہاکہ 2 اناملی اور ٹیکنیکل کمیٹیاں بن جائیں گی اجلاس کے دوران وفاقی وزیر خزانہ نے کمیٹی کو بتایا کہ گزشتہ سال ان دنوں مہنگائی 23 فیصد کے قریب تھی جو اب کم ہے اور اب کافی لمبے عرصے کے بعد کرنٹ اکاونٹ سرپلس ہوگاانہوں نے کہاکہ2023 میں ہماری ترسیلات زر 27 ارب ڈالرز تھیں اوراس سال جون تک ترسیلات زر 37 سے 38 ارب ڈالر تک پہنچ جائیں گی انہوں نے کہاکہ شرح سود 11 سو بیس پوائنٹ سے نیچے آگیا ہے جو مارکیٹ کو بہتر کر رہا ہے انہوں نے کہاکہ بڑی باتیں کی گئیں کہ منی بجٹ آ رہا ہے لیکن وہ سب افواہیں ہی ثابت ہوئیں انہوں نے کہاکہ ہم نے رواں مالی سال توانائی کے شعبے میں اصلاحات کیں جس سے ، بجلی کی قیمت کم ہوئی اس سال کے دوران پی آئی اے، روز ویلٹ اور تین ڈسکوز کی نجکاری مکمل ہوگی انہوں نے کہاکہ ہم نے سیلری کلاس کے لیے ٹیکس میں کمی کی ہے ہمیں کوئی ایک مثال دے دیں کہ ٹیکس بڑھا ہو اور اسے کم کیا گیا ہے انہوں نے کہاکہ 389 ارب روپے کے اضافی اقدامات پر آئی ایم ایف نے اتفاق کیا ہے انہوں نے کہاکہ آئی ایم ایف والے پہلی بار یہ مانے ہیں کہ ہم انفورسمنٹ کر سکتے ہیں ہم نے اگلے سال کیلئے 312 ارب روپے ٹیکس کے اضافی اقدامات کیے گئے ہیں اجلاس میں چیئرمین کمیٹی اور عمر ایوب میں گرما گرمی ہوگئی وفاقی وزیر خزانہ کی بریفنگ کے بعد عمر ایوب خان کی جانب سے سوال پوچھنے کی اجازت نہ دینے پر اپوزیشن لیڈر سخت برہم ہوگئے انہوں نے کہاکہ سوال کرنا میرا حق ہے میرے سوال معاشی ٹیم کی مدد کریں گے جس پر چیرمین کمیٹی نے کہاکہ آپ کا حق ہے لیکن آپ اس طرح میٹنگ میں خلل نہیں ڈال سکتے ہیں جس پر رکن کمیٹی عمر ایوب نے کہاکہ گر آپ نے سوال نہ پوچھنے دیے تو ہم واک آوٹ کر جائیں گے اور پھر آپ یہاں بیٹھ کر بجٹ بجٹ کھیلتے رہیں جس پر چیئرمین کمیٹی نے سوال کرنے کی اجازت دے دی وفاقی وزیر خزانہ نے کہاکہ زرعی شعبے میں کھاد، کیڑے مار ادویات پر ٹیکس نہیں لگے گا اور اس کیلئے آئی ایم ایف کے شکر گزار ہیں کہ انہوں نے اس تجویز کو قبول کیا انہوں نے کہاکہ ملک میں مہنگائی ہمارے اندازے سے بھی کم ہوئی ہے اور آئندہ مالی سال 7.5 فیصد افراط زر اور 4.2 فیصد معاشی نمو کا ہدف ہے انہوں نے کہاکہ 389 ارب روپے کے ٹیکس انفورسمنٹ اقدامات کے ذریعے حاصل کئے جائیں گے اور آئی ایم ایف کے شکر گزار ہیں انہوں نے ہماری اس بات کو تسلیم کیا انہوں نے کہاکہ 312 ارب روپے کے نئے ٹیکس اقدامات آئندہ مالی سال کے بجٹ میں لئے گئے ہیں اجلاس کے دوران سیکرٹری خزانہ نے کمیٹی کو بتایا کہ رواں مالی سال ایف بی آر کا 11900 ارب روپے ٹیکس ہدف ہوگا انہوں نے کہاکہ رواں مالی سال نان ٹیکس ریونیو کا ہدف 4902 ارب ہوگا انہوں نے کہاکہ اسٹیٹ بینک کا منافع 2500 ارب روپے اور پٹرولیم لیوی 1281 ارب روپے کا ہدف ہے جبکہ آئندہ مالی سال اسٹیٹ بینک کا منافع 2400 ارب اور آئندہ مالی سال پٹرولیم لیوی کا ہدف 1468 ارب روپے ہے انہوں نے کہاکہ آئندہ مالی سال 2 روپے 50 پیسے کاربن لیوی پٹرولیم لیوی کے ہدف میں دکھے گی فرنس آئل پر پٹرولیم لیوی اور کاربن لیوی بھی لگے گی انہوں نے کہاکہ لیوی کا پٹرول پر ریٹ 80.5 روپے سے زیادہ نہیں ہوگا جبکہ ڈیزل پر پٹرولیم لیوی کا ریٹ 79.5 روپے سے زیادہ نہیں ہوگا اس موقع پر وزیر مملکت برائے خزانہ بلال اظہر کیانی نے کمیٹی کو بتایا کہ حکومت نے سود کی رقم میں 800 ارب روپے کی کمی کی ہے اس موقع پر رکن کمیٹی عمر ایوب نے کہاکہ پچھلے سال 1400 ارب روپے کا پی ایس ڈی پی تھا جسے کم کیا گیا بتایا جائے کہ رواں مالی سال پی ایس ڈی پی کی یوٹلائزیشن کیا رہی ہے جس پر سیکرٹری خزانہ نے بتایا کہ رواں مالی سال 662 ارب روپے کا پی ایس ڈی پی استعمال ہوچکا ہے ۔