Live Updates

Sرجب بٹ کی عبوری ضمانت میں 21 جون تک توسیع

جمعرات 12 جون 2025 20:20

Jلاہور (اُردو پوائنٹ اخبارتازہ ترین - آن لائن۔ 12 جون2025ء) سیشن کورٹ لاہور میں یوٹیوبر رجب بٹ کی عبوری ضمانت کی درخواست پر سماعت، عدالت نے فریقین کے دلائل سننے کے بعد رجب بٹ کو شاملِ تفتیش ہونے کا پابند کرتے ہوئے عبوری ضمانت میں 21 جون تک توسیع کر دی۔ ایڈیشنل سیشن جج سلیمان گھمن نے سماعت کے دوران پولیس کو 21 جون تک رجب بٹ کی گرفتاری سے روک دیا جبکہ انہیں شامل تفتیش ہونے کی ہدایت بھی جاری کی گئی۔

(جاری ہے)

سماعت کے دوران رجب بٹ خود عدالت میں پیش ہوئے اور اپنی حاضری مکمل کروائی۔ رجب بٹ کی جانب سے ایڈووکیٹ میاں علی اشفاق ایڈووکیٹ عدالت میں پیش ہوئے۔ رجب بٹ کے خلاف تھانہ نشتر کالونی میں مقدمہ درج ہے جس میں پیکا (PECA) قوانین اور تعزیراتِ پاکستان کی دفعہ 295 سی شامل کی گئی ہے جبکہ دوسری جانب سیشن کورٹ لڑکی سے مبینہ زیادتی کا مقدمہ میں یوٹیوبر رجب بٹ کے شریک ملزم سلمان حیدر کی عبوری ضمانت منظور کرلی گئی۔ عدالت نے 18 جون تک پولیس کو گرفتار کرنے سے روک دیا۔