ارکان پارلیمان کی تنخواہ سالہا سال نہیں بڑھتیں، ایک دفعہ اضافہ ہوا تو بھونچال آگیا، علی پرویز ملک

جمعہ 13 جون 2025 22:35

اسلام آباد (اُردو پوائنٹ اخبارتازہ ترین - این این آئی۔ 13 جون2025ء)وفاقی وزیر علی پرویز ملک نے کہا ہے کہ پاکستان میں ہر چیز سیاست کی نذر ہو جاتی ہے، وزیر کے طور پر کسی کو تنخواہ نہیں ملتی، جبکہ پارلیمنٹرین کی تنخواہ مقررہ ہوتی ہے۔

(جاری ہے)

نجی ٹی وی سے گفتگو میں انہوں نے کہا کہ عہدے کے حساب سے مراعات دی جانی چاہئیں اور سالہا سال تنخواہ اور مراعات میں اضافہ نہ ہونے کے باعث مسائل پیدا ہوتے ہیں۔ جب کوئی بڑا اضافہ ہوتا ہے تو ایسا لگتا ہے جیسے بھونچال آ گیا ہو۔علی پرویز ملک نے کہا انہوں نے سوال اٹھایا کہ کیا لوگ پیٹ پر پتھر باندھ کر سیاست میں آئیں گی مشکل حالات میں بڑا اضافہ مناسب نہیں ہے۔