Live Updates

علیمہ خان کے گھر پر مبینہ حملہ

سابق وزیر اعظم عمران خان کی بہن کے بیٹے کو اغوا کر لیے جانے کی اطلاعات، گھر والوں اور ملازمین پر تشدد بھی کیے جانے کا انکشاف

محمد علی جمعرات 21 اگست 2025 20:10

لاہور (اُردو پوائنٹ اخبارتازہ ترین۔ 21 اگست2025ء) علیمہ خان کے گھر پر مبینہ حملہ، سابق وزیر اعظم عمران خان کی بہن کے بیٹے کو اغوا کر لیے جانے کی اطلاعات، گھر والوں اور ملازمین پر تشدد بھی کیے جانے کا انکشاف۔

Aleema Bibi’s home in Lahore has been attacked by men in plain clothes. Her son Shahrez has been abducted, the family harassed and the staff has been beaten up.
— salman akram raja (@salmanAraja) August 21, 2025

تفصیلات کے مطابق بانی تحریک انصاف عمران خان کی بہن علیمہ خان کے لاہور میں واقع گھر پر نامعلوم افراد کی جانب سے مبینہ حملہ کیے جانے کا انکشاف ہوا ہے۔

تحریک انصاف کے سیکرٹری جنرل سلمان اکرم راجہ کی جانب سے بتایا گیا ہے کہ سادہ کپڑوں میں ملبوس افراد نے علیمہ خان کے گھر پر دھاوا بولا اور ان کے صاحبزادے کو اغا کر لیا گیا۔ اس دوران علیمہ خان کے دیگر اہل خانہ اور ملازمین کو تشدد اور ہراسگی کا نشانہ بھی بنایا گیا۔ علیمہ خان نے بھی بیٹے کے اغوا کی تصدیق کر دی، بتایا کہ مسلح افراد نے اہل خانہ کو بھی ہراساں کیا اور گھر کے ملازمین کو مارا پیٹا۔

(جاری ہے)

بانی پی ٹی آئی کی ہمشیرہ علیمہ خان نے الزام عائد کیا ہے کہ 4مسلح نقاب پوش میرے بیٹے شاہریز کو اغوا کرکے لے گئے۔ میڈیا سے گفتگو کرتے ہوئے علیمہ خان نے کہا کہ بیٹے شاہریز کو لاہور میں میرے گھر سے اغوا کیا گیا، سادہ کپڑوں میں ملبوس 4مسلح افراد کچن کے راستے گھر میں داخل ہوئے، میرا بیٹا اپنی بیوی اور والد کے ہمراہ گھر کی بالائی منزل پر تھا جسے اغواء کرلیا گیا۔