Live Updates

{پاکستان مرکزی مسلم لیگ کی ایران پر اسرائیلی حملے کی شدید مذمت

پ*اسرائیلی حملہ علاقائی امن کے خلاف اعلانِ جنگ ہی: خالد مسعود سندھو

جمعہ 13 جون 2025 20:25

aلاہور (اُردو پوائنٹ اخبارتازہ ترین - آن لائن۔ 13 جون2025ء) پاکستان مرکزی مسلم لیگ کے رہنماؤں نے ایران پر اسرائیلی حملے کی مذمت کرتے ہوئے کہا ہے کہ اسرائیلی حملہ نہ صرف ایران کی خودمختاری پر حملہ ہے بلکہ پورے خطے کو جنگ کی طرف دھکیلنے کی خطرناک سازش ہے۔امریکی شہہ پر اسرائیل نے فلسطین کے بعد ایران پر حملہ کیا، اسرائیلی جارحیت و دہشتگردی کیخلاف مسلم ممالک دو ٹوک مضبوط مؤقف اپنائیں۔

ان خیالات کا اظہار صدر مرکزی مسلم لیگ خالد مسعود سندھو، مرکزی مسلم لیگ کے جوائنٹ سیکرٹری قاری محمد یعقوب شیخ، ڈپٹی سیکرٹری جنرل حافظ خالد نیک، انجینئر حارث ڈار اور محمد سرور چوہدری نے خطبات جمعہ کے اجتماعات سے خطاب اور بعد ازاں کارکنان کے وفود سے ملاقات کے دوران گفتگو کرتے ہوئے اس مؤقف کا اظہار کیا۔

(جاری ہے)

خالد مسعود سندھو کا کہنا تھا کہ ایران کو عالمی قوانین کے تحت اپنے دفاع کا مکمل حق حاصل ہے۔

اسرائیل خطے میں اپنی بالادستی قائم کرنے کے لئے بین الاقوامی اصولوں کو مسلسل پامال کر رہا ہے۔ اسرائیلی حملہ ’’گریٹر اسرائیل‘‘ کے منصوبے کو عملی جامہ پہنانے کی کوشش ہے، اہل غزہ پر اسرائیلی حملوں کی صرف مذمت کی بجائے عملی مدد و جدوجہد کی جاتی تو آج اسرائیل کو ایران پر حملے کی جرات نہ ہوتی۔ قاری محمدیعقوب شیخ نے کہا کہ اسرائیل برسوں سے مشرق وسطیٰ میں عدم استحکام پیدا کر رہا ہے اور فلسطین میں جاری ظلم و ستم اس کا واضح ثبوت ہے،موجودہ صورتحال پر اسلامی تعاون تنظیم کا فوری سربراہی اجلاس بلایا جائے۔

حافظ خالد نیک، حارث ڈار نے کہا کہ اسلامی ممالک کو مل کر ایک متفقہ لائحہ عمل تیار کرنا ہوگا تاکہ اسرائیلی جارحیت کا مؤثر جواب دیا جا سکے۔ اگر اسرائیل کو لگام دی گئی تو یہ دنیا کو ایک اور عالمی جنگ کی طرف لے جا سکتا ہے۔