Live Updates

ساہیوال ،ٹیچنگ ہسپتال کے زیر اہتمام ورلڈ ڈینگی ڈے آگاہی واک کا اہتمام

ہفتہ 14 جون 2025 17:38

ساہیوال (اُردو پوائنٹ اخبارتازہ ترین - اے پی پی۔ 14 جون2025ء) ساہیوال ٹیچنگ ہسپتال کے زیر اہتمام ورلڈ ڈینگی ڈے کے حوالے سے آگاہی واک کا اہتمام کیا گیا۔ واک میں ممبران پنجاب اسمبلی ملک محمد ارشد اور پیر ولائت شاہ کھگہ، ایڈیشنل کمشنر کوارڈینیشن ڈاکٹر سیف اللہ بھٹی، پرنسپل ساہیوال میڈیکل کالج پروفیسر ڈاکٹر محمد عمران حسن خان،ایم ایس ڈاکٹر یاد اللہ،سی ای او ہیلتھ ڈاکٹر عبدالمجید نیازی، معروف سرجن ڈاکٹر مظہر احمد، صدر ساہیوال ڈسٹرکٹ بار سعید احمد سگلہ اور ہسپتال کے مختلف شعبوں کے سربراہان، پیرامیڈیکل سٹاف اور نرسز کی بڑی تعداد نے شرکت کی۔

تقریب کے شرکاء سے خطاب کرتے ہوئے پرنسپل ساہیوال میڈیکل کالج پروفیسر ڈاکٹر محمد عمران حسن خان نے کہا کہ15جون دنیا بھر میں ڈینگی وبا سے بچاؤ کے لئے منایا جاتا ہے جسکا مقصد عوام کو آگاہی فراہم کرنا ہے کہ ڈینگی سے لڑنا ہے ڈرنا نہیں۔

(جاری ہے)

انہوں نے کہا کہ ڈینگی ایسی بیماری ہے جو ہماری ذرہ سی بے احتیاطی سے پھیل سکتی ہے۔ انہوں نے کہا کہ بارشوں کے موسم میں صاف پانی کہیں کھڑا نہ ہونے دیا جائے۔

ممبر پنجاب اسمبلی ملک محمد ارشد نے کہا کہ ڈینگی پر قابو پانے کے لئے اجتماعی کوششوں کی ضرورت ہے۔ انہوں نے ڈینگی کنٹرول کے حوالے سے محکمہ ہیلتھ ساہیوال کی کاوشوں کو سراہا۔ ایم پی اے پیر ولائت شاہ کھگہ نے کہا کہ ورلڈ ڈینگی ڈے منانے کا مقصد ڈینگی سے بچاؤ کے حوالے سے عوام میں زیادہ سے زیادہ شعور اجاگر کرنا ہے۔ انہوں نے کہا کہ پاکستان میں ڈینگی وبا پر موثر انداز میں قابو پایا گیا۔

انہوں نے کہا کہ شہری ڈینگی پر قابو پانے کے لئے حکومت کا ساتھ دیں اور اپنے گھروں، دفاتر کی صفائی یقینی بنائیں۔ ایم ایس ڈاکٹر یاد اللہ نے کہا کہ پاکستان میں ڈینگی پر قابو پانے کے لئے ٹیمیں متحرک انداز میں کام کررہی ہیں۔بعدازاں شعبہ میڈیکل ایجوکیشن میں ایک سیمینار کا اہتمام بھی کیا گیا جس میں ڈاکٹرز، پیرامیڈیکل سٹاف اور نرسز کی بڑی تعداد نے شرکت کی۔ سیمینار میں ڈاکٹر زبیر چوہدری اور ڈاکٹر راعمہ احمد نے ڈینگی بخار کی علامات، علاج اور احتیاط بارے تفصیلی بریفنگ دی۔\378