پنجاب یونیورسٹی کے زیر اہتمام ملک بھر میں انڈر گریجوایٹ پروگراموں کیلئے انٹری ٹیسٹ کا انعقاد

اتوار 15 جون 2025 16:20

لاہور (اُردو پوائنٹ اخبارتازہ ترین - اے پی پی۔ 15 جون2025ء) پنجاب یونیورسٹی کے زیر اہتمام ملک بھر میں انڈر گریجوایٹ پروگرامز کیلئے انٹری ٹیسٹ کا انعقادکیا گیا۔ وائس چانسلر ڈاکٹر محمد علی نے اسلام آباد اور راولپنڈی میں امتحانی مراکز کا دورہ کیا۔ چیئرمین ایڈمیشن کمیٹی پرو وائس چانسلر ڈاکٹر خالد محمود، ڈاکٹر احمد اسلام، ڈاکٹر ریحان صادق اورڈاکٹر شاہزیب خان نے لاہور کے امتحانی مراکز کا دورہ کیا۔

ترجمان پنجاب یونیورسٹی نے کہا کہ 33 ہزار سے زائد طلبا و طالبات نے انٹری ٹیسٹ کیلئے رجسٹریشن کرائی۔ انہوں نے کہاکہ ملک کے 20 اہم شہروں میں داخلہ ٹیسٹ کیلئے امتحانی مراکز قائم کئے گئے۔اسلام آباد، کراچی، کوئٹہ، پشاور، گلگت، سکردو میں امتحانی مراکز قائم کئے گئے۔

(جاری ہے)

ترجمان نے کہا کہ ملک بھر میں 114 امتحانی مراکز میں داخلہ ٹیسٹ لیا جا رہا ہے۔

تمام انڈر گریجوایٹ پروگراموں میں داخلے کیلئے 7 قسم کے انٹری ٹیسٹ لئے جا رہے ہیں۔ انہوں نے کہا کہ انڈرگریجوایٹ داخلوں کیلئے 25 فیصد نمبر انٹری ٹیسٹ کیلئے مختص ہیں اورطلبا و طالبات کی سہولت کیلئے 2 شفٹوں میں انٹری ٹیسٹ لیا جا رہا ہے۔ترجمان نے کہا ہے کہ نیو کیمپس میں رہنمائی کیمپس، شٹل سروس کی سہولت دی گئی ہے اوروالدین کیلئے مناسب جگہوں اور پانی کا انتظام کیا گیاہے۔