جشن آزادی پر گوگل کا ڈوڈل پاکستانیوں کی خوشیوں میں شامل

ڈوڈل میں سبز ہلالی پرچم کو نیلے آسمان پر لہراتے ہوئے دکھایا گیا

جمعرات 14 اگست 2025 11:05

جشن آزادی پر گوگل کا ڈوڈل پاکستانیوں کی خوشیوں میں شامل

لاہور(اُردو پوائنٹ اخبارتازہ ترین - این این آئی۔ 14 اگست2025ء)پاکستان کے یوم آزادی پر سرچ انجن گوگل بھی پاکستانیوں کی خوشیوں میں شامل رہا ۔ سرچ انجن گوگل عام طور پر مختلف ممالک کے تہوار اور جشن آزادی کی مناسبت سے اپنے ڈوڈل کو تبدیل کرتا ہے اور ان ممالک کی خوشیوں میں شامل ہوتا ہے۔

(جاری ہے)

گوگل نے اپنا ڈوڈل پاکستان کے یوم آزادی پر بھی تبدیل کیا اورسبز ہلالی پرچم کو نیلے آسمان پر لہراتے ہوئے دکھایا،پس منظر میں نیلے آسمان پر سفید بادلوں میں گوگل لکھا نظر آرہا ہے۔خیال رہے کہ گوگل سال 2011 سے پاکستان کے یوم آزادی پر ڈوڈل بنا رہا ہے،سب سے پہلے اس نے چاند ستاروں اورمینار پاکستان سے مزین سبز رنگ کے ڈوڈل کے ذریعے مبارکباد دینے کا سلسلہ شروع کیا تھا۔