کوئٹہ میں پیٹرول کا بحران نہیں،افواہیں سمگلرز کی جانب سے پھیلائی جاررہی ہیں،ترجمان حکومت بلوچستان شاہد رند

اتوار 15 جون 2025 19:25

کوئٹہ(اُردو پوائنٹ اخبارتازہ ترین - این این آئی۔ 15 جون2025ء)ترجمان حکومت بلوچستان شاہد رند نے کہا ہے کہ کوئٹہ میں پیٹرول کا کوئی بحران نہیںہے ایسی افواہیں ایرانی پیٹرول کے کاروبار سے وابستہ اسمگلرز کی جانب سے پھیلائی جاررہی ہیں ایرانی پیٹرول پمپ سنگین سیکورٹی خطرات اور حادثات کا موجب ہیں ، ایک ماہ میں28جگہ ایسے ایرانی پیٹرول پمپ میں حادثات پیش آئے ہیں ، عوام کو کروڑوں روپے کا نقصان ہو، ائیر پورٹ روڑ اور ہزار گنجی سمیت مختلف مقامات پر ایسے حادثات رونما ہوئے ۔

(جاری ہے)

یہاں جاری ہونے والے ایک بیان میں ترجمان صوبائی حکومت شاہد رند نے کہا کہ ایرانی پیٹرول اور اسمگلنگ کے خلاف سخت کارروائی جاری ہے،پیٹرول بحران کا تاثر پیدا کرکے ایرانی پیٹرول چھوڑنے کا مطالبہ اسمگلرز کی جانب سے کیا جاررہا ہے،قانونی پیٹرول کی دستیابی کے لیے پیٹرول پمپس کو پابند کیا جاررہا ہے، پیٹرول پمپس کے اسٹوریج چیک کرکے قانونی پیٹرول کی فراہمی کو یقینی بنایا جا رہا ہے۔ترجمان نے کہا کہ قانونی پیٹرول کی عدم دستیابی سے متعلق شکایات ڈپٹی کمشنر آفس کوئٹہ میں دی جاسکتی ہے کوئی بھی پیٹرول پمپ پیٹرول دینے سے حیل و حجت کرے گا تو کارروائی ہوگی۔