Live Updates

ڑ*حکومت بجٹ کی منظوری سے قبل سامنے آنے والے تحفظات کو دور کرے‘ اشر ف بھٹی

ٓٹیکس کلچر کے فروغ کے لئے ٹیکسز کی تعداد ،شرح میں کمی کی جائے‘ صدر آل پاکستان انجمن تاجران

اتوار 15 جون 2025 20:10

لاہور (اُردو پوائنٹ اخبارتازہ ترین - آن لائن۔ 15 جون2025ء) آل پاکستان انجمن تاجران کے مرکزی صدر اشرف بھٹی نے کہا ہے کہ حکومت آئندہ مالی سال کے بجٹ کی منظوری سے قبل اس پر سامنے آنے والے تحفظات کو دور کرے ،ایوا ن میں پیش کئے جانے سے قبل فنانس بل کی باضابطہ تشہیر کی جانی چاہیے ۔

(جاری ہے)

اپنے بیان میں انہوں نے کہا کہ حکومت نے بلا شبہ بجٹ میں اچھے اقدامات بھی اٹھائے ہیں تاہم معاشی ماہرین ،مختلف ایسوسی ایشنز اور تاجر تنظیموں کی جانب سے تحفظات بھی سامنے آرہے ہیں جنہیں دور کرنا نا گزیر ہے ۔

بد قسمتی سے جو لو گ ٹیکس دے رہے ہیں ہر بجٹ میں ان پر مزید بوجھ ڈالا جاتا ہے ۔ حکومت اور ایف بی آر کی جانب سے ہر دوسرے دن دعوی کیا جاتا ہے کہ ہمارے پاس قابل ٹیکس آمدن والوں کا ڈیٹا موجود ہے لیکن آج تک ان کے خلاف کوئی کارروائی نہیں ہو سکی ۔ اشرف بھٹی نے کہا کہ ہم بر ملا کہتے ہیں قابل ٹیکس آمدن رکھنے والوں کو اپنے حصے کا ٹیکس ادا کرنا چاہیے لیکن حکومت سے اپیل ہے کہ ٹیکسز کی تعداد اور شرح میں کمی کرے تاکہ ٹیکس کلچر فروغ پا سکے۔