عثمان غنی جیسا خدمت ِ انسانیت اور سخاوت کا جذبہ کسی حکمران میں نہیں، علامہ شاہ عبد الحق قادری

کراچی (اُردو پوائنٹ اخبارتازہ ترین - این این آئی۔ 15 جون2025ء) جما عت اہلسنّت پاکستان کراچی کے امیر علامہ سید شاہ عبد الحق قادری نے کہاکہ حضرت سیدنا عثما ن غنیؓ نے اپنا مال دین و ملت کے لئے وقف کیا لیکن آج حکومت ملک و قوم کو لوٹنے اور عیش وعشرت کے لئے حاصل کی جاتی ہے۔ مسلم امہ کے لئے حضرت عثمان غنیؓ نے انگنت فلا حی منصوبے پا یہٴ تکمیل تک پہنچائے قرآن کریم کی کتابی صورت میں ترویج و اشاعت ان کا بڑا کا رنا مہ اور قیا مت تک کیلئے مسلما نو ں پر احسان عظیم ہے ۔

انہوں نے جما عت اہلسنّت و بز م رضا کے زیر اہتمام خلیفہ سوم کے سالانہ یوم شہادت کی مناسبت سے گیلکسی بینکوئٹ نزد پی آئی ڈی سی میں عثمان غنیؓ کانفرنس سے خطاب میں کہا کہ خلیفہ سوم کی حیات طیبہ ہر طبقہ زندگی سے تعلق رکھنے والے افراد کے لئے مشعل راہ اور مسلم حکمرانو ں کے واسطے رول ماڈل کی حیثیت رکھتی ہے ۔

(جاری ہے)

مسلم حکمرانوں کو اسوہٴ عثمانی سے سبق حاصل کرنا چاہئے ، آج مسلمان حکمرانوں کی بزدلی اور کمزوری کے سبب دنیا میں امت مسلمہ خصوصاً اہلِ غزہ ظلم و جبر کا شکار ہیں ۔

ان کا مزید کہنا تھا کہ حضرت عثمان غنیصکی امتیا زی شان ہے کہ حضور ا نے ا پنی دو صا حبزادیا ں آپ کے نکا ح میں دیں اور اپنے ہاتھ کو ان کا ہاتھ قرار دے کر بیت رضوان کا شرف عطا کیا۔کانفرنس میں جما عت اہلسنّت کراچی کے نائب امیر ڈاکٹر سید عبد الوہاب قادری ،ناظم کراچی سید رفیق ،علامہ شوکت حسین سیلاوی،مولانا جمیل احمد امینی نے بھی خطاب کیا ۔

مقررین نے کہا کہ سیدنا عثمان بن عفان نے اپنی سخا وت و فیا ضی کے ذریعے محتا جو ں ضرورت مندوں اور دین اسلام کی بے پنا ہ خدمت کی آج اس بے راہ روی کے دور میں ضرورت اس بات کی ہے نئی نسل کو صحا بہ کرام کی صحیح تعلیما ت سے روشناس کرایا جا ئے تاکہ معاشرے میں امن و اخوت اور رواداری کا جذبہ پروان چڑھ سکے ۔ انہوںنے حکومت سے مطالبہ کیا کہ خلفائے راشدین کے ایام سرکاری سطح پر منا نے کا اہتمام کیا جا نا چاہیے ۔

تقریب میںعلامہ رئیس قادری، مفتی بلال قادری،مفتی فرقان شامی،مفتی فیصل رشید،مولانا ظہور احمد حسینی،محمد شاہد قائم خانی،علامہ قاری وزیر علی ،زاہد اشتیاق قاری،مولانا عاطف قادری،حافظ عمیر ترابی،علامہ مولانا فرحان شیخ،مولانا خالد مسعود ،مفتی عبد الصمد ترابی،نوید رضا قادری، آصف صبا قادری،مدنی رضا و کثیر تعداد میں خواتین بھی شریک تھیں۔ نیز کانفرنس ہال میں خون کے عطیات کے عالمی دن کی مناسبت سے کیمپ بھی لگایا گیا جس میں تھیلسیما کے مریضوں کیلئے شرکاء نے خون کے عطیات بھی دیئے۔