سیالکوٹ پولیس کی موبائل خدمت مرکز وین کی جانب سے نیکاپورہ کی عوام کو 14 مختلف سہولیات کی فراہمی

اتوار 15 جون 2025 21:20

سیالکوٹ (اُردو پوائنٹ اخبارتازہ ترین - اے پی پی۔ 15 جون2025ء) سیالکوٹ پولیس موبائل خدمت مرکز وین نے اتوار کو نیکا پورہ کے عوام کو 14 مختلف سہولیات فراہم کیں۔ترجمان سیالکوٹ پولیس کے مطابق موبائل خدمت مرکز وین نے سیالکوٹ کے محلہ نیکا پورہ سکول نمبر2 میں ظفروال روڈ پر خدمات فراہم کیں۔ پولیس موبائل خدمت مرکز وین نے عوام کو خدمات فراہم کیں۔

(جاری ہے)

اس دوران عوام کو ایک ہی چھت تلے 14 سہولیات فراہم کی گئیں ،جن میں لرنرز ڈرائیونگ پرمٹ، کریکٹر سرٹیفکیٹ، وہیکل کلیئرنس سرٹیفکیٹ، تجدید ڈرائیونگ لائسنس، انٹرنیشنل ڈرائیونگ پرمٹ، جنرل پولیس سروسز، گمشدگی دستاویزات، اندراج کرایہ دار، تجدید ڈرائیونگ لائسنس، قانونی رہنمائی برائے تحفظ خواتین، اندراج ملازم، جرم کی اطلاع، ایف آئی آر کاپی اور گمشدہ بچوں کی اطلاع شامل تھی۔