Live Updates

حکومت سندھ کا باکسرعالیہ سومرو کیلئے ساڑھے 46 لاکھ روپے کا چیک کا اعلان

عالیہ سومرو ابوظہبی میں بھارتی حریف کیخلاف پاکستان کی نمائندگی کرینگی، ہماری بیٹیاں ہمارا فخر ہیں : ترجمان حکومت سندھ نادر گبول

ذیشان مہتاب پیر 16 جون 2025 11:58

حکومت سندھ کا باکسرعالیہ سومرو کیلئے ساڑھے 46 لاکھ روپے کا چیک کا اعلان

کراچی (اردو پوائنٹ تازہ ترین اخبار ۔ 16 جون 2025ء) حکومت سندھ کی جانب سے لیاری سے تعلق رکھنے والی باکسرعالیہ سومرو کیلئے 46.5 لاکھ روپے کے چیک کا اعلان کیا گیا ہے۔

سندھ حکومت کے ترجمان نادر گبول نے کا کہنا ہے کہ عالیہ سومرو ابوظہبی میں بھارتی حریف کیخلاف پاکستان کی نمائندگی کرینگی، ہماری بیٹیاں ہمارا فخر ہیں، سندھ باصلاحیت نوجوانوں کو تنہا نہیں چھوڑے گا۔

(جاری ہے)

ترجمان نے کہا کہ تھائی لینڈ میں کامیابی کے بعد ایک اور بین الاقوامی سنگِ میل کیلئے تعاون جاری ہے، یہ کوئی خیرات نہیں، نوجوانوں کی صلاحیت میں سرمایہ کاری ہے۔

نادر گبول نے کہا کہ سندھ حکومت کھیل و تعلیم کے شعبوں میں نوجوانوں کی ترقی کیلئے پُرعزم ہے، لیاری سے لاڑکانہ تک نوجوانوں کو عالمی پلیٹ فارمز تک رسائی ملنی چاہیے۔