Live Updates

افغان فضائی حدود سے گزرنے کیلئے کلیئرنس لازم، انٹرنیشنل پروازوں کا پاکستانی حدود میں انتظار

دہلی سے لندن کی برٹش ائیر ویز کی پرواز بی اے 142 کو 20 منٹ تک چکر لگانا پڑے

پیر 16 جون 2025 13:07

افغان فضائی حدود سے گزرنے کیلئے کلیئرنس لازم، انٹرنیشنل پروازوں کا ..

کابل، اسلام آباد(اُردو پوائنٹ اخبارتازہ ترین - این این آئی۔ 16 جون2025ء)افغانستان کی سول ایوی ایشن اتھارٹی نے ایک نوٹم جاری کیا ہے جس کے تحت غیر ملکی پروازوں کو کابل فلائٹ انفارمیشن ریجن استعمال کرنے کیلئے پیشگی اجازت لینا لازم کر دی گئی ہے۔ اس سلسلے میں بیشتر بین الاقوامی پروازوں کو پاکستان کی فضائی حدود میں کچھ دیر کیلئے رکنا پڑ رہا ہے۔

اجازت ملنے پر یہ پروازیں افغانستان کی فضائی حدود استعمال کرسکتی ہیں۔

(جاری ہے)

گزشتہ 24 گھنٹے کے دوران بیشتر پروازوں نے کابل انفارمیشن فلائٹ ریجن میں داخل ہونے سے قبل پاکستان کی فضائی حدود میں چکر لگائے۔ دہلی سے لندن کی برٹش ائیر ویز کی پرواز بی اے 142 کو 20 منٹ تک چکر لگانا پڑے۔ سنگاپور فرینکفرٹ، سنگاپور، لندن، سنگاپور کوپن ہیگن، تائی پے فرینکفرٹ، دہلی سے زیورچ کی پروازوں کو بھی افغانستان فضائی حدود میں داخل ہونے کیلئے انتظار کرنا پڑا۔ سی اے اے افغانستان کے نوٹم کے مطابق کلیئرنس کے بعد یہ پروازیں یہ فضائی حدود استعمال کر سکتی ہیں۔