اسلام آباد،پاکستان سٹوڈنٹس اولمپک ایسوسی ایشن کے زیر اہتمام نیشنل کوچنگ کورس میں شرکت کے لئے رجسٹریشن جاری

منگل 17 جون 2025 17:16

اسلام آباد (اُردو پوائنٹ اخبارتازہ ترین - اے پی پی۔ 17 جون2025ء) پاکستان سٹوڈنٹس اولمپک ایسوسی ایشن کے زیر اہتمام تین روزہ نیشنل کوچنگ کورس میں شرکت کے لئے رجسٹریشن جاری ہے، کورس 26 جون سے 28 جون تک بٹہ کنڈی ناران میں ہو گا۔

(جاری ہے)

ایسوسی ایشن کے صدر مقبول آرائیں نے گزشتہ روز بتایا کہ کورس کی تیاریاں زور و شور سے جاری ہیں اور اس میں ملک بھر سے مختلف کھیلوں کے کھلاڑی، کوچز اور تعلیمی اداروں کے سپورٹس ٹیچرز حصہ لے سکتے ہیں۔

تین روزہ کورس میں تھروبال، کیچ بال، روپ سکیپنگ، پیکل بال پر لیکچرز اور پریکٹس کروائی جائے گی۔ کورس میں شرکت کی خواہش مند اپنے اپنے ناموں کی رجسٹریشن 20 جون تک فون نمبر 03213077577 یا ای میل [email protected] پر کروا سکتے ہیں۔ کورس 28 جون تک جاری رہے گا اور اس کے اختتام پر کامیابی حاصل کرنے والے شرکا میں اسناد تقسیم کی جائیں گی۔932