Live Updates

ایرانی فوج کے چیف آف جنرل سٹاف کا اسرائیلی عوام کو فوری طور پر تل ابیب اور حیفا چھوڑنے کی وارننگ

میجر جنرل سید عبدالرحیم موسوی نے اسرائیل کے خلاف سب سے بڑی کارروائی کا اعلان کردیا، اب تک ایران کی جانب سے کی گئی کارروائی محض ایک انتباہ تھی اصل اور فیصلہ کن کارروائی ابھی باقی ہے جو جلد عمل میں لائی جائے گی،ویڈیو پیغام

فیصل علوی بدھ 18 جون 2025 11:13

ایرانی فوج کے چیف آف جنرل سٹاف کا اسرائیلی عوام کو فوری طور پر تل ابیب ..

تہران(اردوپوائنٹ اخبار تازہ ترین۔18جون 2025)ایرانی فوج کے چیف آف جنرل سٹاف میجر جنرل سید عبدالرحیم موسوی نے اسرائیلی عوام کو فوری طور پر تل ابیب اور حیفا چھوڑنے کی وارننگ جاری کر دی،ایرانی مسلح افواج کے چیف آف جنرل سٹاف میجر جنرل سید عبدالرحیم موسوی نے اسرائیل کے خلاف سب سے بڑی کارروائی کا اعلان کردیا، اپنے ویڈیو پیغام میں میجر جنرل سید عبدالرحیم موسوی کاکہنا ہے کہ اب تک ایران کی جانب سے کی گئی کارروائی محض ایک انتباہ تھی اصل اور فیصلہ کن کارروائی ابھی باقی ہے جو جلد عمل میں لائی جائے گی۔

میجر جنرل موسوی کاکہنا تھا کہ اسرائیل پر بین الاقوامی قوانین کی خلاف ورزیوں کا الزام لگاتے ہوئے کہا کہ وہ ایرانی فوجی تنصیبات کو نشانہ بنانے کے بہانے عام شہریوں، خواتین، بچوں اور بزرگوں کو نشانہ بنا رہا ہے۔

(جاری ہے)

ایرانی مسلح افواج کے چیف آف جنرل سٹاف میجر جنرل موسوی نے اپنے بیان میں زور دیا کہ ایرانی قوم، مسلح افواج کی قیادت میں شہداء کے خون کا بدلہ ضرور لے گی اور اسرائیل کو اس کے جرائم کی سزا دی جائے گی۔

ایران کبھی کسی جارحیت کے سامنے نہیں جھکا اور نہ جھکے گا اور اسرائیلی حکومت اپنے جرائم کا انجام ضرور دیکھے گی۔ان کا یہ بھی کہنا تھا کہ انقلابی گارڈز ایئر فورس، ایئر ڈیفنس، فوج، پولیس اور وزارت دفاع کی جانب سے کی گئی کارروائیوں نے دشمن کو سنگین نقصان پہنچایا ہے مگر اب تک جو کچھ کیا گیا ہے وہ صرف ایک انتباہ تھا اور یہ کارروائیاں ایران نے محض اپنے دفاع میں کیں۔

انہوں نے اسرائیلی شہریوں کو متنبہ کیا کہ وہ اپنی جان بچانے کیلئے فوراً حیفا اور تل ابیب شہروں کو خالی کردیں کیونکہ عنقریب ان علاقوں میں بڑی کارروائی کی جائے گی۔ایران کے تاریخی مؤقف پر زور دیا کہ وہ ہمیشہ جارحیت کے خلاف مزاحمت کرتا آیا ہے اور عظیم ایرانی قوم نے کبھی ظلم کے سامنے ہتھیار نہیں ڈالے اور نہ ہی اسرائیلی حکومت کے ظالمانہ اقدامات سے دبے گی۔

جنرل موسوی نے خبردار کیا کہ ہم مقبوضہ فلسطینی علاقوں کے رہائشیوں، خاص طور پر تل ابیب اور حیفہ کے لوگوں کو متنبہ کرتے ہیں کہ وہ اپنی حفاظت کے لیے فوری طور پر ان علاقوں کو خالی کر دیں۔حالیہ واقعات میں عام شہریوں، علما اور فوجی کمانڈروں کی شہادت نے ایران کی مسلح افواج کے عزم کو مزید مضبوط کر دیا ہے اور اسرائیل کو ’افسوسناک نتائج‘ کا سامنا کرنا پڑے گا۔