Live Updates

حکومت کی سپورٹ کا مطلب یہ نہیں ہم اس بجٹ کا حصہ ہیں، شازیہ مری

پی ایس ڈی پی کی سکیمیں سندھ کو کیوں نہیں دی گئیں، کب سے ایک صوبے کا کام وفاقی حکومت کرنے لگی ہی ، سینیٹ میں اظہار خیال

بدھ 18 جون 2025 20:12

حکومت کی سپورٹ کا مطلب یہ نہیں ہم اس بجٹ کا حصہ ہیں، شازیہ مری

اسلام آباد (اُردو پوائنٹ اخبارتازہ ترین - این این آئی۔ 18 جون2025ء) رہنماء پیپلزپارٹی شازیہ مری نے کہا کہ حکومت کی سپورٹ کا مطلب یہ نہیں ہم بجٹ کا حصہ ہیں۔

(جاری ہے)

قومی اسمبلی میں اظہار خیال کرتے ہوئے شازیہ مری نے کہا کہ سولر پینلز پر 18 فیصد ٹیکس کو پیپلزپارٹی سپورٹ نہیں کرتی، سولر پینلز پر 18 فیصد ٹیکس ہرگز قابل قبول نہیں، عوام پہلے ہی مہنگائی کا سامنا کر رہی ہے، حکومت نے بجٹ میں کم سے کم اجرت کا بھی اعلان نہیں کیا۔

انہوں نے کہا کہ پی ایس ڈی پی کی سکیمیں سندھ کو کیوں نہیں دی گئیں، کب سے ایک صوبے کا کام وفاقی حکومت کرنے لگی ہی سندھ کو آپ نے کالونی سمجھ رکھا ہے۔انہوں نے کہا کہ کراچی کسی کے باپ کی جاگیر نہیں ہے، کراچی سندھ کا ہے اور سندھ کا رہے گا۔انہوں نے واضح کیا کہ حکومت کی سپورٹ کا مطلب یہ نہیں ہم بجٹ کا حصہ ہیں۔