گورنرسندھ کامران خان ٹیسوری کا نفرت انگیز تقاریر کے خلاف عالمی دن پر خصوصی پیغام

بدھ 18 جون 2025 21:21

کراچی(اُردو پوائنٹ اخبارتازہ ترین - این این آئی۔ 18 جون2025ء) گورنر سندھ کامران خان ٹیسوری نے نفرت انگیز تقاریر کے خلاف عالمی دن کے موقع پر اپنے خصوصی پیغام میں کہا ہے کہ اسلاموفوبیا سمیت ہر قسم کی نفرت انگیز تقریر انسانیت کے لیے خطرہ ہے اور ایسے بیانیے معاشرتی ہم آہنگی کو بری طرح متاثر کرتے ہیں۔

(جاری ہے)

گورنر سندھ نے کہا کہ اسلام ایک پُرامن مذہب ہے جسے منفی پروپیگنڈے کا نشانہ بنایا جا رہا ہے، اور اسلاموفوبیا کا تدارک علمی، اخلاقی اور قانونی سطح پر ضروری ہے، انہوں نے مزید کہا کہ برداشت، رواداری اور مکالمہ ہی نفرت کا مؤثر جواب ہیں۔

گورنر کامران خان ٹیسوری نے کہا کہ نفرت انگیز تقاریر نہ صرف معاشرتی ہم آہنگی بلکہ ملکی سالمیت کے لیے بھی سنگین خطرہ ہیں۔ گورنر سندھ نے عوام اور اداروں سے اپیل کی کہ نفرت، تعصب اور اسلاموفوبیا کے خلاف متحد ہو کر آواز بلند کرنا ہوگی۔