ڈیفنس میں نوجوان تشدد کیس، ملزم سلمان فاروقی اور اویس ہاشمی کی ضمانت منظور

کراچی(اردوپوائنٹ اخبار تازہ ترین۔19جون 2025)کراچی کے علاقے میں ڈیفنس میں نوجوان پر تشدد کیس میں ملزم سلمان فاروقی اور اویس ہاشمی کی ضمانت منظورکرلی گئی، سندھ ہائیکورٹ میں ڈیفنس میں نوجوان پر مبینہ تشدد کے کیس کی سماعت ہوئی، عدالت نے دونوں ملزمان کی درخواست ضمانت منظور کرتے ہوئے دونوں ملزمان کو ایک ایک لاکھ روپے کے مچلکے جمع کرانے کا حکم بھی دیا۔

دونوں ملزمان کی درخواست ضمانت منظور کرتے ہوئے دونوں ملزمان کو ایک ایک لاکھ روپے کے مچلکے جمع کرانے کا حکم دے دیا۔سماعت کے دوران وکلاء نے اپنے دلائل پیش کئے جس کے بعد عدالت نے ضمانت منظو ر کرنے کا فیصلہ سنایا۔وکیل سدھیر دھیرج نے عدالت کو بتایا کہ ہمیں ملزمان کی ضمانت پر کوئی اعتراض نہیں۔سرکاری وکیل کا بھی کہنا تھا کہ کہ ہمیں بھی ملزمان کی درخواست ضمانت پر کوئی اعتراض نہیں۔

(جاری ہے)

بعدازاں نے ملزمان کی ضمانت منظور کرتے ہوئے ایک ایک لاکھ روپے کے مچلکے جمع کرانے کا حکم بھی دیا۔واضح رہے کہ اس سے قبل کراچی کی جوڈیشل مجسٹریٹ جنوبی کی عدالت نے ڈیفنس تشدد کیس میں ملزم سلمان فاروقی کی ضمانت کی درخواست مسترد کر دی تھی۔عدالت نے محفوظ کیا گیا فیصلہ سنا دیاتھا۔عدالت نے متاثرہ نوجوان کے بیان کے بعد ملزمان کی درخواست ضمانت پر فیصلہ سناتے ہوئے اسے مسترد کیاتھا۔

متاثرہ نوجوان نے دونوں ملزمان کو شناخت کر لیاتھا۔عدالت نے ابتدائی سماعت کے بعد دونوں ملزمان کو جوڈیشل ریمانڈ پر جیل بھیجنے کا حکم جاری کیا اور تفتیشی افسر کو آئندہ سماعت پر پیش رفت رپورٹ پیش کرنے کی ہدایت کی تھی۔ دوران سماعت متاثرہ نوجوان سدھیر بھی عدالت میں پیش ہواتھا۔تشدد کا نشانہ بننے والے نوجوان سدھیر نے عدالت میں ملزم سلمان فاروقی کو معاف کر دیاتھا۔

سدھیر نے عدالت میں بیان دیتے ہوئے کہا تھاکہ میں کوئی کیس نہیں کرنا چاہتاملزم کو معاف کر دیا تھا۔ قبل ازیں کراچی ڈیفنس میں نوجوان پر تشدد کرنے والے مرکزی ملزم سلمان فاروقی کو گرفتار کرلیا گیا تھا۔ملزم کی گرفتاری ڈیفنس سے عمل میں آئی تھی۔ ملزم سلمان فاروقی نے کراچی میں ڈیفنس کے علاقے اتحاد کالونی میں شہری پر تشدد کیاتھا۔ بتایا گیا تھا کہ کراچی میں بااثر کار سوارشہری نے موٹر سائیکل سوار کوفیملی کے سامنے تشدد کانشانہ بنایا تھا۔

واقعہ ڈیفنس کے فیز 6 کے علاقے خیابان اتحاد کمرشل میں پیش آیا تھا جس کی ویڈیو سوشل میڈیا پر وائرل ہوگئی تھی۔پولیس نے ڈیفنس خیابان اتحاد میں شہری پر تشدد کے واقعے کامقدمہ درج کرلیا تھا اور گارڈ اور ڈرائیور کو گرفتار کرلیاگیا تھا جبکہ بااثر شہری تاحال گرفتار نہیں ہوسکا، بتایا گیا ہے کہ موٹر سائیکل سوار شخص بہنوں کے ساتھ جا رہا تھااچانک موٹر سائیکل سے کار کو ٹکر لگی جس کے بعدبااثر شخص نے موٹر سائیکل سوار شخص پر تشدد کرنا شروع کر دیا تھا۔

اس دوران موٹر سائیکل سوار کی بہنیں کار سوار شخص کی منتیں کرتی رہیں لیکن کار سوار شخص نے منت سماجت پر بھی موٹر سائیکل سوار کو نہیں چھوڑاتھا۔ خواتین ہاتھ جوڑ کر معافیاں مانگتی رہیں مگر سلمان فاروقی نوجوان پرتشدد کرتا رہاتھا۔بے بس خواتین ہاتھ جوڑے التجائیں کرتی رہیں مگر بااثر شہری ٹس سے مس نہ ہواتھا۔