صہیونی دشمن کو سزا دینے کا عمل جاری ہے، اسرائیل کا امریکہ سے مدد مانگنا اس کی کمزوری کو ظاہر کرتا ہے، خامنہ ای

تہران(اردوپوائنٹ اخبار تازہ ترین۔20جون 2025)ایرانی سپریم لیڈر خامنہ ای کا کہنا ہے کہ صہیونی دشمن کو سزا دینے کا عمل جاری ہے،اسرائیل کا امریکہ سے مدد مانگنا اس کی کمزوری کو ظاہر کرتا ہے، صہیونی دشمن کواس کے عمل کی سزا دی جارہی ہے، صیہونی حکومت کے امریکی دوست منظر میں داخل ہوچکے ہیں۔اپنے ایک بیان میں ایران کے سپریم لیڈر نے کہا کہ  ایرانی عوام اپنے طرز عمل سے بتادیں کہ وہ دشمن سے خوف زدہ نہیں ہیں۔

ایرانی عوام دشمن کے سامنے بلاخوف ڈٹے رہیں۔ایران کے سپریم لیڈر آیت اللہ خامنہ ای نے قوم کو خوف سے باہر نکلنے کا مشورہ دیتے ہوئے کہا ہے کہ اپنی طاقت سے دشمن پر ہیبت طاری کرتے رہیں۔انہوں نے کہا کہ میری قوم کے لوگوں اگر آپ تھوڑا سا بھی خوف کا شکار ہوئے تو دشمن آپ کو مزید ڈرائے گا اور آپ کو نہیں چھوڑے گا۔

(جاری ہے)

ایرانی سپریم لیڈر نے اپنے بیان میں اپنی قوم کو مخاطب کرتے ہوئے کہاکہ اب تک آپ نے دشمن کے خلاف اپنے اتحاد سے جو خوف طاری کرنے والا رویہ اپنایا ہے اسے بھرپور طاقت کے ساتھ جاری رکھیں۔

خامنہ ای نے سورۃ انفال کی آیت کا ترجمہ بھی شیئر کیا ’فتح صرف اللہ کی طرف سے ہے جو غالب اور حکمت والا ہے۔ انہوں نے یہ بھی لکھا کہ اللہ بہت رحیم ہے اور وہ ایران کو بڑی فتح سے نوازے گا کیونکہ ہم سچے اور حق پر کھڑے ہیں۔واضح رہے کہ اس سے قبل ایران کے اسرائیل پر تازہ ترین میزائل حملے،عمارتیں ملبے کا ڈھیر بن گئیں تھیں اوراس کو شدید مالی نقصان ہواتھا۔

ایران کی جانب سے کئے گئے حملوں میں 5اسرائیلی زخمی ہوئے تھے۔ایران نے ایک بار پھر اسرائیل کے جنوبی شہر بیرشیبہ پر بیلسٹک میزائلوں کی بارش کردی جس سے علاقے میں شدید مالی نقصان ہواتھا کئی گاڑیاں جل گئیں تھیں اور مائیکروسافٹ آفس کے قریب بڑے پیمانے پر آگ بھڑک اٹھی تھی۔اسرائیلی فوج کے کمانڈ اور انٹیلی جنس ہیڈ کوارٹرز کو بھی نشانہ بنایا گیا۔

بحیرہ مردار میں ڈرونز کی دو بار پروازوں کے بعد میزائل داغے گئے۔ حملے میں کسی کے ہلاک ہونے کی اطلاع نہیں ملی تھی البتہ جنوبی اسرائیل کے علاقے بیرشیبا میں سینکڑوں گاڑیوں کی تباہی کی اطلاعات آئی موصول ہوئیں تھیں۔اسرائیلی فوج نے میزائل روکنے میں ناکامی کا اعتراف کرتے ہوئے انٹرسیپٹر میں ممکنہ خرابی کو اسکی وجہ قرار دے دیا تھا۔اسرائیلی فوجی حکام کا کہنا تھا کہ ایران نے بیر شیبہ میں صرف ایک ہی میزائل فائر کیا اور اسرائیلی دفاعی نظام ایرانی میزائل کو روکنے میں مکمل ناکام رہاتھا۔

اسرائیلی میڈیا کے مطابق یہ حملہ جمعے کی صبح کیا گیا۔ ایرانی میزائل ایک رہائشی علاقے میں گرا جس کے باعث قریبی عمارتوں، گاڑیوں اور انفرا اسٹرکچر کو نقصان پہنچاتھا۔ اگرچہ کوئی جانی نقصان رپورٹ نہیں ہوا لیکن مالی نقصان کافی زیادہ تھا۔ایرانی میڈیا کے مطابق آپریشن وعدہ صادق سوم کے تحت میزائل حملے کی چودھویں لہر اٹھی جس کی ایران نے ویڈیو بھی جاری کی تھی۔