غربت اور پسماندگی عالمی امن کیلئے خطرہ ہیں، سلامتی کونسل میں پاکستان کا موقف

غربت، عدم مساوات اور بنیادی انسانی حقوق سے محرومی تنازعات کی بنیادی وجوہات ہیں،عاصم افتخار

جمعہ 20 جون 2025 12:08

غربت اور پسماندگی عالمی امن کیلئے خطرہ ہیں، سلامتی کونسل میں پاکستان ..

نیویارک (اُردو پوائنٹ اخبارتازہ ترین - این این آئی۔ 20 جون2025ء)اقوام متحدہ کی سلامتی کونسل میں غربت، پسماندگی اور تنازعات کے عالمی امن پر اثرات سے متعلق مباحثہ ہوا۔پاکستان کے مستقل مندوب عاصم افتخار نے موقف پیش کرتے ہوئے کہا کہ غربت، عدم مساوات اور بنیادی انسانی حقوق سے محرومی تنازعات کی بنیادی وجوہات ہیں۔

(جاری ہے)

انہوں نے کہا کہ ترقی، انسانی حقوق اورامن آپس میں جڑے ہوئے ہیں اورجب تک ان مسائل کا منصفانہ حل تلاش نہیں کیا جاتا، پائیدارامن ممکن نہیں۔

عاصم افتخار نے زور دیا کہ ایک منصفانہ عالمی معاشی نظام قائم کیا جائے، ترقی پذیر ممالک کے لیے قرضوں میں نرمی کی جائے۔موسمیاتی فنانسنگ کو یقینی بنایا جائے اور ترقیاتی امداد میں اضافہ کیا جائے تاکہ دنیا کو حقیقی امن کی جانب بڑھایا جا سکے۔