Live Updates

معیشت بہتر ہوئی ہے تو ڈیڑ ھ کروڑ لوگ غربت کی لکیر سے نیچے کیوں چلے گئے ہیں؟، جنید اکبر کا حکومت سے سوال

پہلی بار ایسی حکومت بنی ہے جسے زبردستی حکومت دی گئی ہے،حکومت میں لائے ہوئے لوگوں اور عوام کو پتہ چل چکا ہے کہ ووٹ ڈالنے والا اہم نہیں ووٹ گننے والا اہم ہوتا ہے، رہنماء پی ٹی آئی کا قومی اسمبلی میں اظہار خیال

فیصل علوی جمعہ 20 جون 2025 15:40

معیشت بہتر ہوئی ہے تو ڈیڑ ھ کروڑ لوگ غربت کی لکیر سے نیچے کیوں چلے گئے ..

اسلام آباد(اردوپوائنٹ اخبار تازہ ترین۔20جون 2025)چیئرمین پبلک اکاؤنٹس کمیٹی و پاکستان تحریک انصاف خیبرپختونخواہ کے صوبائی صدر کا کہنا ہے کہ معیشت بہتر ہوئی ہے تو ڈیڑ ھ کروڑ لوگ غربت کی لکیر سے نیچے کیوں چلے گئے ہیں؟، بجٹ میں گروتھ ہوئی ہے تو گدھے بڑھے ہیں، گدھے بڑھے ہیں تو گدھیاں کیوں نہیں بڑھیں، قومی اسمبلی اجلاس میں اظہارخیال کرتے ہوئے چیئرمین پبلک اکاؤنٹس کمیٹی نے کہا کہ پہلی بار ایسی حکومت بنی ہے جسے زبردستی حکومت دی گئی ہے۔

حکومت میں لائے ہوئے لوگوں اور عوام کو پتہ چل چکا ہے کہ ووٹ ڈالنے والا اہم نہیں ووٹ گننے والا اہم ہوتا ہے۔انہوں نے کہا کہ ان کو یقین ہے کہ ووٹ دینے والوں کی بجائے ووٹ گننے والوں کو خوش رکھنے سے ہی اقتدار ملے گا۔حکومت پر تنقید کرتے ہوئے جنید اکبرکا یہ بھی کہنا تھا کہ حکومت کی جانب سے دعویٰ کیا جاتا ہے معیشت میں بہتری آئی اور ملک ترقی کی راہ پر گامزن ہے۔

(جاری ہے)

انہوں نے سوال کیا کہ اگر ملک میں ترقی ہو رہی ہے تو لوگ غربت کی لکیر سے کیوں نیچے جارہے ہیں۔خیال رہے کہ اس سے قبل قومی اسمبلی میں قائد حزب اختلاف عمر ایوب خان کاکہناتھاکہ ملک میں غربت 44.7 فیصد تک پہنچ چکی تھی۔ تین برسوں میں گندم کی قیمت میں 50 فیصد اضافہ ہوا تھا۔پی ٹی آئی کے سیکرٹری اطلاعات شیخ وقاص اکرم و دیگر کے ہمراہ پریس کانفرنس کرتے ہوئے رہنماء پی ٹی آئی عمر ایوب نے کہا تھا کہ یہ لیلا بجٹ تھا اور پاکستان میں قوت خرید برباد ہوچکی تھی۔

تین برسوں میں گندم کی قیمت میں 50 فیصد اضافہ ہوا تھا اور یہ اعداد و شمار میں وزارت شماریات کے اعدادوشمار کے دو برسوں کے ڈیٹا کا موازنہ کرکے دے رہا تھا۔انہوں نے کہا کتھاہ2022 میں جو شخص 50 ہزار روپے کما رہا تھا آج اس کی قدر تقریباً 22 ہزار روپے رہ گئی تھی۔پیٹرولیم مصنوعات پر پیٹرولیم ڈیولپمنٹ لیوی 80 روپے تھی جو بڑھا کر 100 روپے تک لے کر جائیں گے حالانکہ 2022 میں پیٹرول لیوی 20 روپے فی لیٹر تھی۔عمر ایوب کا مزید یہ بھی کہنا تھا کہ ملک میں غربت 44.7 فیصد تک پہنچ چکی تھی۔ پلاننگ کا بجٹ 80 فیصد بغیر استعمال ہوئے واپس چلا گیاتھا یہ بھی دیکھنا چاہیے تھا۔