Live Updates

ایران اسرائیل تنازع میں غیرجانبدار نہیں رہ سکتے، حزب اللہ

ایران کو اپنے اور اپنی قوم کے دفاع کا حق حاصل ہے،سربراہ شیخ قاسم

جمعہ 20 جون 2025 19:29

تہران (اُردو پوائنٹ اخبارتازہ ترین - این این آئی۔ 20 جون2025ء)ایرانی حمایت یافتہ مزاحمتی تنظیم حزب اللہ کے سربراہ نے کہا ہے کہ ایران اسرائیل تنازع میں غیرجانبدار نہیں رہ سکتے، جو مناسب لگے گا وہ کریں گے۔

(جاری ہے)

ایرانی میڈیا رپورٹس کے مطابق حزب اللہ کے رہنما شیخ قاسم نے اپنے بیان میں کہا کہ ایران کو اپنے اور اپنی قوم کے دفاع کا حق حاصل ہے۔ان کا کہنا تھا کہ دنیا بھر سے آزاد لوگوں کو حق حاصل ہے کہ وہ ایران اسرائیل جنگ میں ایرانی سپریم لیڈر اور ایران کی عوام کے ساتھ کھڑے رہیں۔انہوں نے اپنے بیان میں مزید کہا کہ حزب اللہ اس تنازع میں غیرجانبدار نہیں ہے بلکہ اسے ظالمانہ اسرائیلی امریکی جارحیت سمجھتے ہیں۔