وزیر اعلیٰ پنجاب کی جانب سےعیدالاضحیٰ کے موقع پر ویسٹ ورکرز کی شاندار کارکردگی کے اعتراف میں ہر ورکرز کو 10ہزار روپے کے انعامی چیکس تقسیم

فیصل آباد (اُردو پوائنٹ اخبارتازہ ترین - اے پی پی۔ 21 جون2025ء) وزیر اعلیٰ پنجاب مریم نواز شریف کے ویژن "صاف ستھرا پنجاب" کی عملی تعبیر کے طور پر ضلع فیصل آباد میں عیدالاضحیٰ کے موقع پر ویسٹ ورکرز کی شاندار کارکردگی کے اعتراف میں ایک باوقار تقریب کا انعقاد کیا گیا، جس میں وزیر اعلیٰ پنجاب مریم نواز شریف کی جانب سے ہر ورکر کو 10,000 روپے نقد انعامی چیکس دیے گئے۔

ڈپٹی کمشنر فیصل آباد کیپٹن (ر) ندیم ناصر نے تقریب کی صدارت کی جبکہ سابق اراکین اسمبلی فقیر حسین ڈوگر، عرفان منان، حاجی اکرم انصاری، طاہر جمیل، شیخ اعجاز، راجہ دانیال، عمر اسرار اور میاں ضیاء الرحمن نے خصوصی طور پر شرکت کی۔ ڈپٹی کمشنر اور سابق اراکین اسمبلی نے سے سینٹری ورکرز میں انعامی چیکس تقسیم کیے۔

(جاری ہے)

مجموعی طور پر فیصل آباد ضلع میں 7 ہزار سے زائد ویسٹ ورکرز میں وزیر اعلیٰ پنجاب کی طرف سے انعامی رقوم تقسیم کی گئیں۔

اس موقع پر ہر ورکر کو 10 ہزار روپے کا چیک پیش کیا گیا۔تقریب سے قبل ڈپٹی کمشنر کیپٹن (ر) ندیم ناصر نے تحصیل چک جھمرہ جاکر مقامی ویسٹ ورکرز کو 10ہزار روپے کے انعامی چیکس فراہم کیے اور ان کی خدمات کو سراہا۔انہوں نے کہا کہ ویسٹ ورکرز نے شدید گرمی اور قربانی کے دنوں میں محنت، لگن اور ایمانداری سے فرائض سرانجام دے کر نہ صرف عوام کے دل جیت لیے ہیں بلکہ عیدالاضحیٰ پر صفائی کے وہ معیار قائم کیے ہیں جن کی مثال ماضی میں نہیں ملتی۔

انہوں نے کہا کہ نسلوں کے مستقبل اور فلاح و بہبود کے لیے بھی سنجیدہ اقدامات کر رہے ہیں۔ صاف ستھرا پنجاب منصوبہ وزیر اعلیٰ پنجاب مریم نواز کے دل کے قریب ہے اور اربوں روپے کے وسائل اس مقصد کے لیے صرف کیے جا رہے ہیں۔ فیصل آباد میں صفائی کے میدان میں جس مثالی کام کا مظاہرہ کیا گیاوہ بلاشبہ تاریخ کا ایک روشن باب ہے۔قبل ازیں ڈپٹی کمشنر کیپٹن (ر) ندیم ناصر نے تحصیل چک جھمرہ جاکر وزیراعلیٰ پنجاب کی جانب سےویسٹ ورکرزمیں 10 ہزار روپے فی کس انعامی چیکس تقسیم کئے۔انہوں نے کہا کہ عیدالاضحیٰ کے تینوں دن فیصل آباد کی سڑکیں، گلیاں اور محلے مثالی صفائی کی تصویر بنے رہے یہ سب ان محنت کش ورکرز کا مرہونِ منت ہے جنہوں نے قدم قدم پر خدمت کے جذبے سے اپنا کردار نبھایا۔